Tanzania ubu nicyo gihugu gifite abantu benshi banduye coronavirus muri aka karere,196 bashya banduye

Tanzania ubu nicyo gihugu gifite abantu benshi banduye coronavirus muri aka karere, ni nyuma y’uko uyu munsi hatangajwe abantu bashya 196 banduye iyi ndwara.

Aba babonetse mu bipimo byafahshwe mu minsi itanu ishize muti Tanzania na Zanzibar.

Abanduye coronavirus muri Tanzania bose hamwe ubu bamaze kuba 480.

Minisitiri w’intebe Kasim Majaliwa yabwiye abanyamakuru ko umubare w’abamaze kwicwa n’iyi ndwara wiyongereyeho abantu batandatu bakaba bose hawe 16.

Bwana Majaliwa ariko yanavuze inkuru nziza ko abamaze gukira nabo biyongereyeho 48 bakagera kuri 167.

Uko abanduye bahaze mu karere:

  • Tanzania: 480
  • Kenya: 384
  • Rwanda: 212
  • Uganda: 79
  • Sudani y’Epfo: 34
  • Burundi: 14

Umurwa mukuru w’ubucuruzi wa Dar es Salaam niwo urimo umubare munini w’abanduye Covid-19 muri Tanzania.

Ku bakomeje gusaba ko uyu mujyi, ubamo abantu miliyoni esheshatu, wafungwa ubuzima busanzwe bugahagarikwa, Perezida Magufuli yavuze ko ibyo bidashoboka.

Yagize ati: “…Ibyo ntibishoboka. Dar es Salaam niho hantu honyine hava imisoro y’igihugu cyacu…Hejuru ya 80% y’iyo misoro iva Dar es Salaam”.

Imibare y’abanduye iri kuzamuka muri Tanzania nyuma y’uko ishami ry’umuryango w’abibumbye ryita ku buzima OMS/WHO ryaburiye leta kubera kudafata ingamba kare mu kwirinda iki cyorezo.

Tariki 24/04/2020 Madamu Matshidiso Moeti uyobora OMS muri Tanzania yavuze ko bafite ubwoba bwinshi ko imibare y’abanduye coronavirus iziyongera muri iki gihugu.

Akazuba Cynthia

Bana natwe tugususurutse umenye




Leave a Reply

Your email address will not be published. Required fields are marked *