Nzatuza maze kumenya uwagize uruhare muri iri turika- Michel Aoun Perezida wa Liban

Ku mugoroba w’ejo ku wa kabiri ni bwo i Beirut mu murwa mukuru wa Liban habaye amaturika abiri akomeye, gusa ntihahita hamenyekana niba ibyaturitse ari ibisasu cyangwa ibindi bintu.

Lebanon explosion: Thousands injured across capital Beirut - CNN

Iturika ryumvikanye ku ntera y’ibirometero birenga 200 uvuye i Beirut muri Liban.

Amafoto n’amashusho yafashwe iturika rikimara kuba, agaragaza umuriro n’umwotsi mwinshi mu kirere, mu gihe inzu nyinshi n’imodoka zari hafi y’ahabereye iturika zahise zihinduka amatongo.

Perezida wa Liban, Michel Aoun, yavuze ko ririya sanganya ryatewe n’iturika rya toni 2,750 z’ikinyabutabire cya ’ammonium nitrate’ (nitrate d’ammonium) zari zimaze imyaka 6 zibitswe nabi.

Perezida Aoun yavuze ko mu gihugu hakwiye gushyirwaho ibihe bidasanzwe bizamara ibyumweru bibiri uhereye kuri uyu wa gatatu, umunsi wagizwe uw’icyunamo rusange mu gihugu.

Perezida Aoun by’umwihariko yatumije inama y’igitaraganya yo gufatiramo imyanzuro y’uko ibintu bigomba kugenda muri ibi bihe bidasanzwe.

Lebanon explosion today: Casualty from Beirut explosion dey ...

Magingo aya Leta ya Liban yamaze gutangaza ko igiye gusohora abarirwa muri miliyoni 66 z’amadorali ya Amerika yo kugoboka abagizweho ingaruka na ririya turika.

Umuyobozi w’Umuryango utabara imbabare muri Liban, Georges Kettaneh, yavuze ko abamaze guhitanwa na ririya turika babarirwa mu ijana, gusa bikaba bikigoye kumenya umubare wa nyawo w’abapfuye cyangwa abakomeretse, ngo kuko hari abakiri munsi y’ibikuta by’amazu yasenyutse.

Magingo aya abayobozi batandukanye hirya no hino ku Isi bagiye batambutsa ubutumwa bufata mu mugongo abanya Liban.

Umunyamabanga Mukuru w’Umuryango w’Ibihugu bikoresha Ururimi rw’Igifaransa, Louise Mushikiwabo, abinyujije kuri Twitter ye yagize ati: Nyuma y’iturika rikomeye ryashegeshe Lebanon kuri uyu mugoroba, ndagira ngo mbwire abaturage na Guverinona y’iki gihugu cy’incuti ko La Francophonie yose ibafashe mu mugongo.”

Perezida wa Misiri Abdul Fattah al-Sisi we yavuze ko ababajwe n’ibyabaye muri Liban, avuga ko yifatanyije na n’incuti zabo z’abanya Liban.

Umuyobozi w’Umuryango w’Ubumwe bw’u Burayi, Charles Michel, na we yihanganishije abanya Liban yizeza ko umuryango ayoboye witeguye kubafasha.

Ibihugu by’Ubufaransa, Cyprus na Iran na byo byagiye bitambutsa ubutumwa bw’ihumure.

Hagenimana Thierry

Bana natwe tugususurutse umenye




Leave a Reply

Your email address will not be published. Required fields are marked *