Nyuma yo gusezera kwa Queen Cha na Aristide muri The Mane, Marina nawe yakuyemo ake karenge

Kuri uyu wa 28 Mata 2021 nibwo Umuhanzikazi Marina yashyize hanze ibaruwa asezera muri The Mane Record ni nyuma y’aho umuhanzikazi Queen Cha ndetse na Aristide Gahunzire wari umujyanama w’abahanzi muri yo nzu. Ubu hasigaye Calvin Mbanda na we udafite amasezerano.

Mu ibaruwa Marina yashyize hanze yari amaranye icyumweru abitse kuko yayanditse ku wa 21 Mata ariko ikaba isohotse ku wa 28, agaragaza ko ashimira umusanzu The Mane yagize mu iterambere rya muzika ye ariko guhera ku wa 21 Mata akaba atakiri umwe mu barebererwa inyungu nayo.

Hari aho agira ati “Ndabamenyesha ko guhera ku wa 21 Mata ntakiri umwe mu bareberwa inyungu na The Mane Music, ku bw’impamvu ntashobora gutangaza ubu muri iyi baruwa.”

Ku wa 19 Mata 2021, Gahunzire niwe wabanje gushyira hanze itangazo agaragaza ko gutandukana na The Mane ari icyemezo yafashe ku mpamvu ze bwite ndetse ashimira ubuyobozi bwa The Mane muri rusange n’abandi bayibamo.

Nyuma y’iminota mike itangazo rya Gahunzire rigiye hanze, Queen Cha wari umaze imyaka itatu muri The Mane na we yashyize hanze ibaruwa yandikiye The Mane avuga ko ahagaritse amasezerano ye n’iyi nzu.

Marina asezeye muri The Mane mu gihe yari yarasinyemo imyaka 10. Yari amazemo itatu kuko yasinyemo mu 2017 ariko icyo gihe Bad Rama yavugaga ko ahubwo we yashakaga gusinya imyaka 20 kuko azi ibyo bamaze kumugezaho.

The Mane yashinzwe mu 2017 na Mupenda Ramadhan uzwi nka Bad Rama. Iyi nzu ubu isigayemo umuhanzi Calvin Mbanda na we udafite amasezerano.

BadRam yagiye atangaza kenshi ko we abona akora ibyakwiriye gukora, mugihe abahanzi babarizwaga muri iyi Label batangazaga ko ntacyo bakora, kuko ugiye kureba nk’umuhanzikazi Queen Cha nta ndirimbo yaraherutse gusohora kugiti cye.

REBA HANO VIDEO TWAGUHITIYEMO YAGUSUSURUTSA

Bana natwe tugususurutse umenye

NGIRINSHUTI Christian