Nigeria:Umukobwa yishwe amaze gufatwa ku ngufu

Polisi muri Nigeria iri gukora iperereza ku ifatwa ku ngufu n’iyicwa ry’umunyeshuri w’imyaka 18. Barakat Bello yishwe ku wa kabiri muri leta ya Oyo iri mu majyepfo ashyira uburengerazuba bwa Nigeria.

Nigeria: Another female university student raped and killed ...

Iki ni kimwe mu bindi bikorwa by’ihohoterwa rishingiye ku gitsina no kwica abagore bibayeho muri Nigeria mu gihe cy’icyumweru kimwe gishize.

Iyicwa rye rikurikiye iry’abandi bakobwa babiri bishwe mu minsi ishize; Tina Ezekwe wiciwe i Lagos na Uwavera Omozuwa wiciwe i Benin City nk’uko BBC Pidgin ibivuga.

Barakat Bello wigaga ku ishuri rikuru ry’ubuvuzi bw’amatungo rya Federal College of Animal Health, yari yasubiye iwabo ku ivuko kubera ingamba zafashwe zo kurwanya icyorezo cya Covid-19.

Abagizi ba nabi basanze Bello iwabo ari wenyine

Ku wa kabiri, Barakat yari mu rugo wenyine.

Ariko ubwo musaza we muto kuri we yagarukaga mu rugo, yasanganiwe n’amaraso hafi y’ubwiherero, nkuko bitangazwa n’umunyamakuru wa BBC Celestina Olulode.

Isuzuma ryo kwa muganga ryakorewe ku murambo we ryasanze ko yafashwe ku ngufu ubundi aricwa. Polisi yemeje ko hari gukorwa iperereza.

Mu gihe cy’iminsi 7 ishize, hagaragaye uburakari ku mbuga nkoranyambaga, Abanya-Nigeria benshi bavuga ko bafite impungenge niba leta ishaka guhangana n’ihohoterwa rikorerwa mu ngo.

Ku cyumweru, abagabo 12 muri leta ya Jigawa iri mu majyaruguru ashyira uburengerazuba batawe muri yombi nyuma y’ibirego bivuga ko bafitanye isano n’ifatwa ku ngufu mu gihe cy’amezi abiri ry’umukobwa w’imyaka 12.

JusticeforBarakat: Expose my daughter's killers within 7 days, mum ...Nyina yatabaje ubucamanza

Ku wa kabiri w’icyumweru gishize, Tina Ewekwe w’imyaka 16 y’amavuko yishwe arashwe n’umupolisi mu mujyi wa Lagos. Abategetsi bavuga ko abapolisi babiri ubu bafunze.

Muri icyo cyumweru kandi, Uwavera Omozuwa w’imyaka 22 y’amavuko yiciwe mu rusengero – umukobwa bavukana avuga ko yari yanafashwe ku ngufu.

Nigeria: Undi munyeshuri Barakat Bello w'imyaka 18 yafashwe ku ...

Abandi bamaze gufatwa ku ngufu

Ku munsi w’ejo ku wa gatatu, Perezida Muhammadu Buhari wa Nigeria yamaganye iyicwa rya Uwavera.

Mu buryo butari busanzwe, iperereza ku iyicwa rya Uwavera ryimuriwe ku biro bikuru bya polisi biri mu murwa mukuru wa politiki Abuja.

Akazuba Cynthia

Bana natwe tugususurutse umenye




Leave a Reply

Your email address will not be published. Required fields are marked *