Miss Vivine w’i Gatenga uherutse kubikwa akiri muzima yakize Coronavirus

Uwizeye Vivine utuye mu Gatenga mu Mujyi wa Kigali uherutse kwandura Coronavirus ndetse bakamubika akiri muzima, yakize yasezerewe.

Uyu mugore byavuzwe ko yanduje iki cyorezo abandi bantu benshi n’izindi nkuru nyinshi no gusakaza amafoto ye ari mu kuvurwa n’imyirondoro bye ku bwinshi,yasezerewe mu kigo kivura abanduye Coronavirus cya Kanyinya mu Mujyi wa Kigali hamwe na bamwe mu bagize umuryango we.

Iwabo mu rugo handuye abantu batanu barimo we, abana be babiri n’abakobwa babiri babana. Hari n’abataranduye nk’abana babiri bahabaga n’umwarimu wigishaga umwana we.

Ni umugore munini w’ibilo 220, ndetse mu 2011 yatowe mu bagore banini beza, ari naho bamwe bakomora kumwita Miss Vivine. Ubwo yatahurwagaho Coronavirus, ni we murwayi wa Coronavirus kugeza ubu wongerewe umwuka kugira ngo ataremba cyane, kuko yageze kwa muganga atabasha guhumeka neza.

Uwizeye Vivine avuga ko abantu bakwiye kwirinda iyi ndwara uko bashoboye kose bagakaraba intoki uko bishoboka, bakambara udupfukamunwa kandi bakirinda gukora aho babonye hose.

Kuri uyu wa Gatatu umuntu umwe yasanganywe Coronavirus mu bipimo 866 byafashwe, bituma umubare w’abanduye mu Rwanda ugera ku 287, mu gihe abamaze gukira biyongereyeho 11 baba 164.

S/Igihe

Hagenimana Thierry

Bana natwe tugususurutse umenye




Leave a Reply

Your email address will not be published. Required fields are marked *