Kenya:Senateri yaciwe amande nyuma yo gufatirwa mu kabari

Urukiko rwo muri Kenya rumaze guhanisha senateri Johnson Sakaja gucibwa amande angana Sh 15.000 ni ukuvuga arenga ibihumbi 143 mu mafaranga y’u Rwanda cyangwa agahitamo gufungwa amezi atatu kubera gufatirwa mu kabari nijoro yarenze ku mabwiriza yo kwirinda coronavirus.

Johnson Sakaja: Ndolo explains why Senator may not be charged ...Uyu muyobozi yafashwe mu rukerera rwo ku wa Gatandatu, asanzwe ari kunywera mu kabari, hashize amasaha make umukwabu wa saa tatu z’ijoro utangiye.

Ku bijyanye n’uwo mukwabu, nta muntu uba wemerewe kuba ahatari iwe guhera saa tatu z’ijoro kugeza saa kumi za mu gitondo. Uyu senateri we rero akaba yamaze gusaba imbabazi Abanya-Kenya ndetse yegura ku mwanya wo mu kanama gakomeye ko mu nteko gashinzwe kugenzura uko iki gihugu kirwanya Covid-19. Senateri Sakaja yanavuze ko yiteguye kwirengera amakosa yakoze.

Senator Sakaja Arrested For Drinking During Curfew Hours - LitKenyaBwana Sakaja ahagarariye akarere k’umurwa mukuru Nairobi. Senateri Sakaja yabaye afungiwe by’agateganyo ku biro bya polisi yo mu mujyi wa Nairobi, mbere yuko afungurwa amaze gutanga amafaranga y’ingwate.

Amashusho yahererekanijwe ku mbuga nkoranyambaga yagaragaye ku cyumweru, yerekana Bwana Sakaja w’imyaka 35 ari muri kasho ya polisi aterana amagambo n’abapolisi nyuma yo gutabwa muri yombi.

Abaturage ba Kenya bamaze igihe binubira ko amategeko yashyizweho yo kurwanya Coronavirus ashyirwa mu bikorwa mu buryo butandukanye bitewe n’uwo uri we. Aba baturage binubira ko abanyapolitiki bayarengaho ku mugaragaro bagakoresha za mitingi zitabirwa n’imbaga kandi ibyo byose byaraciwe.

How top civil servant hid Johnson Sakaja from the policePolisi ya Kenya nayo yanenzwe gukubita, gukomeretsa no kwica Abanya-Kenya mu gihe cy’iyubahirizwa ry’ayo mategeko.

Zimwe mu ngamba zikaze zibuza guterana mu nsengero no kubuza ingendo mu duce tw’ingenzi twagaragayemo coronavirus, kuri ubu zakuweho, nubwo coronavirus ikomeje kwiyongera mu gihugu.

Kugeza ubu muri Kenya abanduye coronavirus bageze ku 13,771, muri bo 238 ikaba imaze kubahitana.

 

ZIHIRAMBERE Pacifique – Celebzmagazine.com




Leave a Reply

Your email address will not be published. Required fields are marked *