Gisagara:Abatubahiriza amabwiriza yo kurwanya Covid-19 ntibazihanganirwa 

Ku bufatanye n’inzego z’umuteka ,ubuyobozi bw’akarere ka Gisagara bwahaye inama ndetse n’inyigisho abaturage bafashwe batubahiriza amabwiriza atangwa n’inzego z’ubuzima yo kurwanya Covid-19.

Abafashwe harimo abatubahirije amasaha yo gutaha abandi bambaye agapfukamunwa nabi ndetse n’abagendaga mu mihanda batambaye agapfukamunwa .

Umuyobozi w’akarere ka Gisagara Rutaburingoga Jerome , yibukije abafashwe batubahirije amabwiriza yo kurwanya Covid-19 ko ingamba zashyizeho ari izituma ubuzima bw’Abanyarwanda butajya mu kaga kandi ko batazihanganira abavunira ibiti mu matwi .

Yagize ati:”Mugomba kubyumva nk’inshingano n’uburyo bwo kwirinda no kurinda abandi aho kubikora nk’itegeko mucunga abayobozi cyangwa inzego zumutekano .

Nteziryayo Jean Bosco umucuruzi utuye mu murenge wa Kibirizi akagali ka Muyira ,umudugudu wa Nyagisasa wafashwe mu masaha ya saa Tanu z’ijoro arikumwe n’abakiriya banywa inzoga avuga ko byamubereye isomo kandi ko atazasubira.

Yagize ati:“Nuzajya aza ashaka inzoga nzajyamusaba kuyitahana aho kuyinywera aho ncururiza kuko uwasinze kumubwira gutaha hari igihe aba atabyumva ntanabashe kubahiriza amabwiriza yo kurwanya Covid-19.”

Umuturage ifoto .

Kuva Covid-19 yagera mu Rwanda muri Werurwe umwaka wa 2020,Mu karere ka Gisagara abantu 1153 bamaze guhanirwa kutubahiriza amabwiriza yo kurwanya no kwirinda iki cyorezo .Kuri iyi nshuro hakaba hafashwe 172.

Abafatiwe kutubahiriza amabwiriza yo kurwanya Covid-19.
Ifoto bose

Aline Nyampinga




Leave a Reply

Your email address will not be published. Required fields are marked *