Byageze ku Iherezo! Amalon ntakiri umuhanzi ubarizwa muri 1k Entertainment yatangijwe na Dj Pius

Ubuyobozi bwa Kampani ya 1k Entertainment isanzwe ifasha abahanzi ndetse n’abadj’s bwatangaje ko umuhanzi Bizimana Amani wakunzwe kw’izina rya ‘Amalon’ Atakibarizwa muri icyo kigo nyuma yaho amasezerano bari bafitanye yari ageze ku musozo.

Ariko kandi bikaba byari biherutse gutangazwa na Dj Pius ko amasezerano ya ‘Amalon’ agomba kurangira mu kwezi ku Ugushyingo uyu mwaka 2021.

Mu ibaruwa Ubuyobozi bwa 1k Entertainment bwageneye uyu muhanzi iragira ati “Twishimiye kukumenyesha ko amasezerano twari dufitanye yegereje umusozo bikaba byabaye ngombwa ko tutayongera ukundi.

Ikomeza igira ati “Dufashe umwanya wo kukumenyesha ko urugendo twatangiranye rwabaye rwiza cyane, ubu rukaba rugeze ku iherezo ryarwo kandi ibyo twakoze byose byagenze neza hagati yacu nawe, tukaba tukwifurije ishya n’ihirwe mu ahazaza hawe.”

Ku bijyanye n’imishinga y’indirimbo uyu muhanzi yarari gukorana na 1k Entertainment batangaje ko bazakomeza kumufasha akazirangiza neza kugira ngo ibyo biyemeje babigereho batandukane nta kibazo kirimo.

Amalon yari amaze imyaka itatu muri 1k Entertainment kuva muri nzeri 2018 aho babashije gukorana imishinga myinshi irimo indirimbo nka Byakubaho, Yambi, Ngirente, Amabara yahuriyemo n’abandi bahanzi bagera kuri bane, Derila yakoranye na Ally Soudy, Impanga, Byukuri na Single yakoranye na Weasel wo mu itsinda rya Goodlyfe.

Ibaruwa 1K Entertainment yandikiye umuhanzi Amalon imumenyesha ko amasezerano ye arangiye

Uyu muhanzi muri iyi minsi utari kwigaragaza cyane amakuru agera kuri Genesisbizz ni uko hari hashize igihe uyu musore atarebana neza nabo 1k Entertainment ahubwo yari afite umusore w’inshuti ufasha abahanzi uzwi nka Omarion bari gukorana bya hafi.

Ku ruhande rwa DJ Pius Umuyobozi wa 1k Entertainment yashyize ubutumwa kuri instagram ye agira Ati “Nta kintu na kimwe cyasiba urwibutso rw’ibyo twageranyeho, gukorana nawe byari amahitamo meza. Ndabizi uzakora akazi keza mu ruganda rw’imyidagaduro kandi nzahora mpari mu kugushyigikira.”

Gusa DJ Pius aherutse kunyomoza amakuru aherutse gutangazwa ko Amalon umwe mu bahanzi yafashaga muri 1K Entertainment yaba yaramaze kubona umujyanama mushya.

Bikaba bivugwa ko Amalon ari gufashwa n’uwitwa Omario ndetse ari nawe bagiye gukomeza mu rugendo rwe rw’umuziki.

Byageze ku Iherezo! Amalon ntakiri umuhanzi ubarizwa muri 1k Entertainment yatangijwe na Dj Pius nyuma y’imyaka itatu

Bana natwe tugususurutse umenye

NGIRINSHUTI Christian

 




Leave a Reply

Your email address will not be published. Required fields are marked *