Besigye na Bobi Wine basinye ubufatanye mu kurwanya Museveni

Mu gihe Yoweri Kaguta Museveni wayoboye Uganda kuva muri 1986 akomeje kwerekana ko ntawamuhangara, Col Kizza Besigye wageregeje guhangana nawe yiyemeje gufatanya na Robert Kyagulanyi(Bob Wine) kugira ngo arebe ko yagera ku butegetsi.

Kugeza magingo aya, Col. Dr Kizza Besigye uyoboye abarwanya ubutegetsi bwa Perezida Yoweri Kaguta Museveni yashyize umukono ku masezerano y’ imikoranire na Robert Kyagulanyi(Bob Wine) mu gitondo cyo kuwa Mbere tariki 15 Kamena 2020.

Ibi byaje gushoboka nyuma y’ ibianiro byari bimaze igihe bihuza Kizza Besigye uhagarariye urugaga rw’ amashyaka ya politike arwanya Leta , People’s Governement ndetse na Robert Kyagulanyi(Bob Wine) uyoboye People Power Movent.

Inkuru dukesha Chimpreports ishimangira ko aba banyapolitiki bombi biyemeje ku ikubiro guhuza intego yo kurushaho gushyira hamwe imbaraga bafite mu rwego rwo guharanira kuvanaho Leta ya Museveni no kuyobora Uganda biciye mu matora ya Perezida wa Repubulika ateganyijwe mu mwaka w’ i 2021.

Gaston Rwaka




Leave a Reply

Your email address will not be published. Required fields are marked *