Zari Hassan yababajwe n’ubufasha umuhanzi Diamond Platinumz wari umugabo we banabyaranye abana 2 bakaza gutandukana aherutse kwemerera abaturage bagera kuri 500 bo muri Tanzania muri ibi bihe bya Coronavirus (Covid-19) yirengagije abana yabyaye mu gasozi.
Uyu mubyeyi ufitiye abana babiri Diamond ( Tiffah na Nillan Dangote) aka gahinda akagaragaje nyuma y’aho uyu muhanzi atangarije ko agiye kwishyurira ubukode imiryango 500 y’abapangayi bo muri Tanzaniya mu mezi atatu. Zari mu nkuru ya Nile Post ati: “Wirengagije abana bacu none uri kugaburira Tanzania.”
Ni Zari usigaye arera abana nyuma yo gutandukana n’umugabo
Zari yakomeje agaragaza uburyo Diamond Platinumz atazi uko abana babyaranye babayeho. Ati: “Ntabwo uzi icyo abana bari kurya ndetse n’uko basinzira ariko hishyuwe ay’ubwisungane mu kwivuza. Ntabwo uzashimisha Isi, mu gihe abawe batishimye, utanabitayeho. Urabeshya.”
Zari na Diamond bakiri mu buzima bwiza.
Ubu butumwa bwa Zari bwageze kuri Diamond. Yavuze ko yari yiteguye kumusubiza ubutumwa buremereye ariko yabanje kujya inama n’abajyanama be mbere y’uko abushyira ahagaragara, baramubuza. Gusa kuri we ngo “ni ibisanzwe ko abantu batandukanye hari ubwo baterana amagambo.”
Zari yatandukanye na Diamond mu 2018 bitewe no kutizerana kuko bombi bashinjanyaga gucana inyuma.
Akazuba Cynthia
Bana natwe tugususurutse umenye
