Umunyabigwi Kobe Bryant yongerewe ku rutonde w’intwari Isi yagize

Umunyabigwi wa NBA, Kobe Bryant, uherutse kwitaba Imana, ari mu bakinnyi batoranyijwe kugira ngo bazashyirwe mu nzu ndangamateka ya Basketball iri i Massachusetts izwi nka Naismith Memorial Basketball Hall of Fame.

Naismith Memorial Basketball Hall of Fame yitiriwe Umunya-Canada, Dr James Naismith wahimbye umukino wa Basketball, ni inzu ndangamateka igaragaza abakinnyi n’abandi bantu bakomeye babayeho muri uyu mukino.

Kobe Bryant wakiniye LA Lakers hagati ya 1996 na 2016, agatwarana nayo ibikombe bitanu bya Shampiyona ya NBA, ari mu bakinnyi bazashyirwa muri iyo nzu ndangamateka muri uyu mwaka wa 2020.

Bryant yitabye Imana mu mpera za Mutarama 2020 afite imyaka 41 akaba yarazize impanuka ya kajugujugu yahitanye abandi bantu umunani barimo n’umukobwa we w’imyaka 13, Gianna.

Kobe Bryant, from the start, was an athlete like no other - Los ...Uyu mugabo wabaye umukinnyi w’umwaka “MVP” wa NBA mu 2008, yakinnye kandi umukino w’intoranywa muri NBA “All-Star” inshuro 18 mu gihe mu 2008 na 2012, yafashije Leta Zunze Ubumwe za Amerika kwegukana umudali wa zababu mu mikino Olempike.

Abandi bazashyirwa mu nzu ndangamateka ya Naismith Memorial Basketball Hall of Fame muri uyu mwaka wa 2020 ni Tim Duncan watwaye NBA inshuro eshanu akinira San Antonio Spurs na Kevin Garnett wafashije Boston Celtics gutwara Shampiyona ya 2008.

Tamika Catchings, watwaye umudali wa zahabu mu mikino Olempike inshuro enye ndetse akaba yaregukanye igikombe cya Shampiyona ya WNBA akinira Indiana Fever mu 2012, ari muri aba bazinjizwa muri Naismith Memorial Basketball Hall of Fame tariki ya 29 Kanama uyu mwaka.

Akazuba Cynthia

Bana natwe tugususurutse umenye




Leave a Reply

Your email address will not be published. Required fields are marked *