BREAKING NEWS

AHABANZA
Amakuru
Imyidagaduro
- Cinema
- Fashion
- Ibitaramo
Imikino
Urukundo
- Shaka umukunzi
Iterambere
MUSIC
CELEBZ TV

Home AMAKURU Umuhanzi Jose Chameleone ntiyahiriwe n’urugendo rwe muri politiki

Umuhanzi Jose Chameleone ntiyahiriwe n’urugendo rwe muri politiki

Jan 22, 2021AMAKURU, Imyidagaduro, Politiki0

Umuhanzi wo muri Uganda, Joseph Mayanja, uzwi nka Chameleone yatsinzwe mu matora yari ahatanyemo ashaka kuyobora Umujyi wa Kampala.

Aya matora yabaye ku wa 20 Mutarama 2021. Chameleone ni umwe mu bahanzi bo muri Uganda bakoze indirimbo nyinshi zakunzwe kandi zabahesheje ubutunzi n’icyubahiro, yashakaga gukomereza urugendo rwe no muri politiki akayobora Umujyi wa Kampala ariko ntibyamuhiriye.

Uyu mugabo wakoranye indirimbo yitwa Agatako n’Umunyarwanda DJ Pius nyuma yo gukundwa no guhirwa n’umuziki umwaka ushize yahise atangaza ko ashaka kuyobora Umujyi wa Kampala ndetse yari umwe mu bakandida bahabwa amahirwe.

Gusa ntabwo yahiriwe no kwegukana uwo mwanya cyane ko Erias Lukwago wari uhagarariye ishyaka rya Forum for Democratic Change (FDC) ariwe wegukanye intsinzi.

Erias Lukwago wongeye kwisubiza uyu mwanya yagize amajwi 194 592. Uyu mugabo yatangiye kuyobora uyu Mujyi guhera ku wa 14 Mutarama 2011.

Muri aya matora amaze umunsi umwe abaye yakurikiwe na Nabillah Naggayi Sempala wari uhagarariye National Unit Platform (NUP), aho yagize amajwi 60 082. Umuhanzi Daniel Kazibwe wamamaye mu muziki nka “Ragga Dee” wo mu ishyaka NRM yabaye uwa gatatu aho yagize amajwi 23 388 mu gihe Chameleone wari uhatanye nk’umukandida wigenga we yagize amajwi 12 212.

Chameleone yaguwe mu ntege n’abandi nka Charles Senkubuge wagize 2 355, Kawooya Innocent wagize 762, Micheal Evans Mugabi wagize 522, Eddie Kibalama wagize 490, Yakubu Musaazi wagize 478, Isaac Sendagire wagize 386 na Ben Lule wegukanye amajwi 325.

Chameleone atangaza ko agiye kwiyamamariza kuyobora Kampala abantu batandukanye bagiye bavuga ko bigoye ko yatsinda, bamwe bakavuga ko agira imyitwarire igoye irimo kurwana itamwerera kuba umuyobozi w’uyu mujyi.

Abandi bamusetse bavuga ko asanzwe ari umunyamahane ku buryo nta bisubizo abantu bamwitegaho, abandi bo bakamukiniraho bavuga ko umuntu wananiwe urugo rwe bigoye ko yayobora umujyi wose.

Chameleone w’imyaka 42 yamamaye mu bihangano bitandukanye birimo ibyakunzwe cyane nka ‘Mama Mia’, ‘Njo Karibu’, ‘Mambo Bado’, ‘Kipepeo’, ‘Shida za Dunia’, ‘Bayuda’, ‘Vumilia’, ‘Valu Valu’ n’izindi nyinshi.

Facebook
Twitter
Google+
Linkedin
Tumblr
Pinterest
Mail

Previous PostNi bo bakobwa bayoboye ku miterere n’ubwiza bihebuje mu Rwanda? Next PostUmunyarwenya Nkusi Arthur yemeje iby'urukundo,igihe cy'ubukwe kigirwa ibanga

ARTIST OF THE WEEK

TOP 5

VIDEO IKUNZWE

VIDEO NSHYA

TOP 10

RWANDA NEW SONGS

UP COMING EVENTS

Facebook Page

FASHION STYLE

INKURU ZIKUNZWE

Shaka umukunzi Urukundo
SHAKA UMUKUNZI:Yarangije kaminuza arifuza umukunzi uri serieux

Jun 18, 2019
Shaka umukunzi Urukundo
Niba ubyifuza ufite gahunda, arifuza umugore wujuje ibi bikurikira

Aug 26, 2019
Uncategorized
SHAKA UMUKUNZI: Ni umusore wize ufite akazi akeneye umukunzi wamubera umugore ufite hagati y’imyaka 30-33

May 03, 2018
Uncategorized
Urutonde rw’ibyamamare 10, by’ibihe byose kuva isi yaremwa

Dec 16, 2017