Umubare w’abantu banduye COVID-19 mu Rwanda wageze kuri 70

Minisiteri y’Ubuzima yatangaje ko abantu barwaye Coronavirus bamaze kuba 70 nyuma y’uko kuri iki cyumweru  hagaragaye abandi 10, na none biganjemo abari baherutse gukorera ingendo mu mahanga.

Minisiteri y’Ubuzima mu Rwanda yatangaje ko umubare w’abantu banduye COVID-19 mu Rwanda wageze kuri 70

Itangazo rya Minisante ryo kuri uyu wa Kabiri tariki 24 Werurwe 2020. Ryerekana ko abarwayi bane batahuweho Coronavirus batumye umubare w’abafite ubwandu bagera kuri 70.

Aba barwayi 4 biyongereye kuri 50 basanganywe iki cyorezo, bagera kuri 70 banduye COVID-19 kuva umurwayi (Umuhinde ukorera rimwe mu mashami ya Loni mu Rwanda) wa mbere yaboneka mu gihugu ku wa 14 Werurwe 2020.

Minisiteri y’Ubuzima yavuze ko abagenzi bose baherutse kwinjira mu Rwanda bahise bapimwa ndetse bashyirwa mu kato.

Kuri ubu abarwayi bose bari kuvurirwa ahantu habugenewe kandi bari koroherwa. Itangazo rikomeza rivuga ko “Hanashakishijwe abantu bose bahuye na bo kugira ngo na bo basuzumwe ndetse bitabweho n’inzego z’ubuzima.’’

Minisiteri y’Ubuzima yasabye abaturarwanda bose gukomeza kwitwararika no gukurikiza ingamba zashyizweho na Leta zijyanye no kwirinda ikwirakwira rya COVID-19.

Kuri ubu abarwayi bose bari kuvurirwa ahantu habugenewe kandi bari koroherwa.

Minisante ivuga ko hashakishijwe abantu bose bahuye na bo kugira ngo na bo basuzumwe ndetse bitabweho n’inzego z’ubuzima.

Mu myanzuro yatangiye kubahirizwa uhereye ku wa Gatandatu 23:59, irimo ko ingendo zitari ngombwa zibujijwe.

Iryo tangazo rivuga ko “Gusohoka mu rugo nta mpamvu zihutirwa birabujijwe, keretse abajya gutanga no gushaka serivisi z’ingenzi harimo kwivuza, guhaha, serivizi za banki n’izindi.”

Minisiteri y’Ubuzima yasabye abaturarwanda bose gukomeza kwitwararika no gukurikiza ingamba zashyizweho na Leta zirimo;

  • Guhagarika ubucuruzi bw’ibikorwa bitari iby’ibanze,
  • Guhagarika ingendo zihuza imijyi n’uturere n’izindi zitari ngombwa no kuva mu rugo nta mpamvu zihutirwa,
  • Abantu bose bageze mu Rwanda mu byumweru bibiri bishize barasabwa kwishyira mu kato mu gihe cy’iminsi 14 guhera igihe bagereye mu Rwanda.
  • Kubahiriza amabwiriza y’inzego z’ubuzima yo gukaraba intoki kenshi kandi neza no kubahiriza intera ya metero imwe hagati y’abantu.

Hagenimana Thiery

Bana natwe tugususurutse umenye




Leave a Reply

Your email address will not be published. Required fields are marked *