UEFA Champions League wabaye tariki 19/02/2020 yaba yarakwije bidasanzwe Coronavirus?U Burundi Shampiyona irakomeje

Shampiyona y’umupira w’amaguru mu Burundi irakomeje, gusa mu kwirinda coronavirus abakinnyi babujijwe kwishimira igitego mu kivunge, abafana nabo bagomba gukaraba intoki binjiye kuri stade.

Abakinnyi babujijwe kuramukanya ariko ntibabujijwe guserebekanaShampiyona y’umupira w’amaguru mu Burundi irakomeje

Kugeza ubu mu Burundi habonetse abantu batatu bafite icyorezo cya Covid-19.

Ishyirahamwe ry’umupira w’amaguru mu Burundi ryatangaje ko mu nama rusange y’amakipe na minisiteri y’ubuzima yabaye muri Weekend, bemeje ko shampiyona y’umupira w’amaguru ikomeza.

Imikino mu bihugu byinshi mu karere no ku isi yarahagaritswe kubera iki cyorezo, gusa mu bindi bihugu nka Belarus, Nicaragua na Tajikistan shampiyona zaho zirakomeje nk’uko Reuters ibivuga.

Mu Burundi ariko batangaje ingamba nshya ku bibuga zirimo;

  • Abakinnyi bagomba gukaraba intoki mbere y’umukino
  • Kwishimira igitego ari benshi birabujijwe
  • Abakinnyi babujijwe kwegera abasifuzi
  • Ibikorwa byo kuramukanya mu rwego rwa Fair play nabyo birabujijwe

Muri weekend, ku mikino ya shampiyona mu Burundi habonetse abafana benshi kandi begeranye ku bibuga, iminsi ine hatangajwe abantu ba mbere bafite coronavirus mu Burundi .

Muri weekend, ku mukino wahuje Messager Ngozi na Vital’O warangiye ari 0 – 0 wagaragayeho abantu benshi ku kibuga, Messager Ngozi niyo ubu ya mbere muri shampiyona.

Ishyirahamwe ry’umupira w’amaguru mu Burundi rivuga ko ubu ku bibuga by’umupira hatangiye gushyirwa indobo zirimo imiti kugira ngo abafana nabo bakarabe intoki mbere yo kwinjira.

Mu bisanzwe, mbere y’umukino abakinnyi b’amakipe batonda umurongo bakaramutsa abasifuzi nabo bakaramukanya, ibi nabyo ubu birabujijwe.

Kimwe no kuramukanya kw’abakinnyi, abasifuzi cyangwa abatoza nyuma y’umukino, nabyo birabujijwe.

Ibihugu byo muri aka karere Kenya, Rwanda, Uganda na Tanzania byahise bihagarika shampiyona z’umupira w’amaguru nyuma y’uko iyi ndwara igeze muri ibi bihugu.

Umukino wa UEFA Champions League wabaye tariki 19/02/2020 hagati ya Atalanta yo mu Butaliyani na Valencia yo muri Espagne, waba warakwije bidasanzwe iki cyorezo muri ibi bihugu.

Ikinyamakuru Marca kivuga nyuma y’uyu mukino wabereye kuri stade San Siro ijyamo abantu 40,000 mu majyaruguru y’Ubutaliyani, habonetse abantu benshi muri aka gace banduye iyi ndwara.

Umukino wo kwishyura muri Espegne hagati ya Atalanta na Valencia wabaye nta bantu bemerewe kujya ku kibuga, ariko abakinnyi benshi b’aya makipe nyuma babasanzemo coronavirus.

David Muhawe

Bana natwe tugususurutse umenye




Leave a Reply

Your email address will not be published. Required fields are marked *