Uburusiya: Inzoga yateye umukecuru n’umusaza gutwika umwuzukuru 

Umwana w’uruhinja w’amezi 11 witwa Maxim Sagalakov yishwe atawe mu muriro na nyirakuru ndetse na sekuru bari basigaranye ubwo nyina yari asohotse mu rugo.

Aba basaza bakomoka ahitwa Khakassia mu Burusiya,bakoze amahano bajugunya uyu mwuzukuru wabo w’uruhinja mu muriro nyina agarutse asanga yamaze gushya.

Nyina w’uyu mwana witwa Viktoria w’imyaka 20,yageze mu rugo asanga mu mbabura hari kuvamo umunuko,arebye asanga n’umwana we wajugunywemo.

Abapolisi bakurikiranye iki kirego basohoye itangazo basobanura ko uyu musaza n’umukecuru bajugunye mu mbabura uyu mwana w’uruhinja ubwo bari bamaze kunywa inzoga basinze.Umuryango w’uyu mwana wabonye umurambo we wahiye ku buryo bukomeye.

Kuwa kabiri w’iki cyumweru nibwo uyu mwana yatawe mu mbabura ndetse polisi yo mu Burusiya iracyakora iperereza ryimbitse kuri aba basaza bashinjwa kumuta mu muriro.


Umwana w’uruhinja yatawe mu mbabura na nyirakuru na sekuru




Leave a Reply

Your email address will not be published. Required fields are marked *