Icyangombwa gishya ku bacukura amabuye y’ agaciro kizanye iki?

 

Mu rwego rwo guhangana n’abacuruza amabuye y’agaciro mu buryo butemewe no gukuraho urujijo ko bashinja u Rwanda gukura amabuye y’agaciro muri Repubulika Iharanira Demokarasi ya Congo (RDC),  Leta y’u Rwanda yatangije icyangombwa gishya gihabwa abacukuzi b’amabuye y’agaciro bemewe mu Rwanda .

Umuyobozi w’Ikigo cy’Igihugu gishinzwe Mine, Peteroli na Gaz (RMB) Francis Gatare, yatangaje ko icyo kemezo cyatangiranye n’ukwezi kwa Mata, kiyongera ku kindi cyahabwaga amabuye y’ubwoko butatu gusa aboneka ku bwinshi mu karere k’ibiyaga bigari.

Gatare yagize ati: “Iki kemezo kiratangwa ku mabuye y’agaciro yose aboneka mu Rwanda, kiyongera kugisazwe cyatangwaga n’Ihuriro Mpuzamahanga ry’Akarere k’Ibiyaga Bigari (ICGLR) cyahabwaga amabuye atatu gusa. Intego ni uguharanira ko amabuye y’agaciro twohereza mu mahanga yose aba afite ibyangombwa byizewe”, nk’ uko yabitanagrije THE EA.

Seritifika itangwa na ICGLR ihabwa ubwoko butatu bw’amabuye y’agaciro ari yo Tin, Tungsten na Tanalum (izwi cyane nka “The 3 Ts”), kuri ubu kikaba kiyongeyeho ikemezo kigenewe andi mabuye y’agaciro acukurwa mu Rwanda, arimo na zahabu.

Ikemezo cya ICGLR  gitangukanya ubwo bwo butatu bw’amabuye ava mu Rwanda n’acukurwa muri Repubulika Iharanira Demokarasi ya Congo, ariko ku bijyanye na Zahabu ndetse n’andi mabuye y’agaciro acukurwa mu bihugu byombi, byabaga bigoranye kwemeza inkomoko yayo.

Icyo cya ngombwa cyatangiye gutangwa muri Mata, abacukuzi b’abamuye y’agaciro mu Rwanda bakaba basabwa kugisaba bifashishije ikoranabuhanga, batanga amakuru ahagije agaragaza ko bakora ubucukuzi bwemewe n’amategeko ndetse n’aho babukorera, bakajya bahabwa icyo kemezo nyuma yo kugenzura ayo makuru.

Abohereza amabuye y’agaciro mu mahanga na bo bagomba kwerekana amasezerano bafitanye n’umucguzi uzwi mbere yo guhabwa ikemezo ko ayo mabuye aturutse mu Rwanda.

Abacukuzi b’amabuye y’agaciro mu Rwanda bishimiye iyo gahunda kuko igiye gukuraho imikorere mibi.

Umuyobozi w’Ihuriro ry’Abacukuzi b’Amabuye y’Agaciro mu Rwanda Jean Malic Kalima, yagize ati:”Guhabwa icyangomwa ni ingenzi mu kurandura imikorere mibi yose. Abacukuzi b’amabuye y’agaciro baciriritse na bo batekerejweho ndetse baranahuzwa mu guharanira ko bakora amatsinda azwi kandi yemewe. Gukorera hamwe bizaborohereza kubona icyo kemezo gishimangira ubudakemwa bw’imikorere yabo.”

Leta y’u Rwanda ihamya ko ubucukuzi n’ubucuruzi bw’amabuye y’agaciro bukorwa mu buryo bwemewe n’amategeko, ndetse ubushakashatsi bwemeza ko amabuye menshi aboneka muri Repubulika Iharanira Deokarasi ya Congo aboneka no mu Rwanda, harimo na zahabu.

Ubucukuzi n’icyorezo cya COVID-19

Urwego rw’ubucukuzi bw’amabuye y’agaciro, ni rumwe mu zagizweho ingaruka n’icyorezo cya COVID-19 mu Rwanda kimwe n’ibindi bihugu bicukura amabuye y’agaciro ku Isi.

Amabuye u Rwanda rucukura cyane ari yo Gasegereti, Wolfram, na Coltan, ari mu yashegeshwe cyane na kuko ibiciro byayo basubiye hasi cyane.

Imibare yerekana ko ugereranyie Mutarama na Gashyantare ya 2020 n’iya 2019, ibiciro bya Coltan byagabanutseho 4.6% munzi ya zeru, ibya Wolfram bigabanyukaho 15.3% munsi ya zero mu gihe ibya Gasegereti byagabanyutseho 14.5%. Ibyo ngo byatewe n’uko abakenera ayo mabuye y’agaciro bagabanyutse kubera ko ibyo biciro bidahagaze neza.

Amafaranga aturuka mu mabuye y’agaciro ya Tin, Tantalum na Tungsten yoherezwa ku isoko mpuzamahanga yagabanutse ku kigero cya 30.9%, bitewe n’igabanuka ry’ibiciro ku isoko mpuzamahanga ryagaragaye muri Mutarama na Gashyantare 2020.

Bityo Leta y’u Rwanda ikomeje gufasha abikorera ku giti cyabo n’ibigo bikora mu bucukuzi bw’amabuye y’agaciro na kariyeri gusubukura ibikorwa byayo ku kigero cya 100% bitareze mu myaka ibiri iri imbere.

Abacukuzi b’abamuye y’Agaciro na bo bari mu bagenerwabikorwa b’Ikigega Leta iherutse gutangiriza kuri miriyari 100 z’amafaranga y’u Rwanda, kigamije kuzahura abantu ku giti cyabo n’ibigo byazahajwe na COVID-19.

Celebzmagazine.com




Leave a Reply

Your email address will not be published. Required fields are marked *