U Rwanda rwashyikirijwe abarwanyi 71 bo mu mutwe wa CNRD bafashwe

Igisirikare cya DR Congo kivuga ko ku wa gatandatu w’icyumweru gishize cyashyikirije igirikari cy’u Rwanda inyeshamba  71 ziherutse gufatwa mu rugamba rwo kurwnya imitwe y’inyeshyamba FRDC ikomeje.

Image result for frdc congo

Kapiteni Dieudonné Kasereka umuvugizi w’ingabo za Congo ziri muri urwo rugamba, yabwiye BBC ko abo barwanyi ari abo mu mutwe wa Conseil national pour la renaissance et la démocratie (CNRD).

CNRD ni umutwe wiyomoye kuri Forces démocratiques pour la libération du Rwanda (FDLR) ikorera mu burasirazuba bwa DR congo.

Urugamba rwo kurwanya imitwe yitwaje intwaro mu karere ka Kalehe rwatangiye ku wa 26 z’ukwezi kwa 11 mu karere ka Kalehe.Image result for frdc congoMu kiganiro yahaye BBC, Kapiteni Kasereka avuga ko abo barwanyi bashyikirijwe igisirikare cy’u Rwanda bari kumwe n’abandi 1471 bagizwe n’imiryango yabo.

Atangaza  ko izo nyeshyamba n’imiryango yabo bakiriwe na Patrick Musho ku ruhande rw’u Rwanda.

Avuga ko intambara igikomeje mu karere ka Mwenga, aho abo barwanyi ba CNRD bari bageze barimo berekeza mu karere ka Fizi.

Avuga ko kandi mu ntambara z’ejo ku cyumweru mu gace ka Kasika zahuje abasirikare ba Congo n’izo nyeshyamba avuga ko izibarirwa mu ijana zanze gushyira intwaro hasi, bashoboye kwica umunyamabanga mukuru wa CNRD, bongera bafata mpiri n’abarwanyi bagera ku’icumi.

Ku wa 16 z’uku kwezi, umutwe wa mbere ugizwe n’inyeshamba 291 hamwe n’abana 11 baratahukanywe nyuma y’aho batsindiwe n’igisirikare cya Congo mu ntara ya Kivu y’amajyepfo.

Kapiteni Kasereka avuga ko uwo mutwe w’abo batahukanywe ku wa gatandatu “ugizwe n’abaheruka gufatwa no kwishyikiriza, bakaba bari bacumbikiwe mu nkambi ya gisirikare ya Nyamunyunyi”, iri ku birometero 30 uvuye i Bukavu, umurwa mukuru wa Kivu y’AamajyepfoImage result for frdc congoKu wa 08 z’uku kwezi nabwo igisirikare cya Congo cyari cyatangaje ko abantu 1200 b’umutwe CNRD “bagizwe n’abarwanyi hamwe n’imiryango yabo” muri iyo ntara bishyikirije igisirikare.

Mu burasirazuba bwa Congo, haharurwa imitwe y’inyeshamba igera kuri 133, imwe igizwe n’abanyekongo iyindi igizwe n’abanyamahanga, muri iyo 35 irwanira muri Kivu y’Amajyepfo nk’uko bivugwa na Kapiteni Kasereka.

Avuga ko igisirikare cya Congo kitazigera gihagarika ibitero ku mitwe y’inyeshamba irwanira muri ako karere kugeza yemeye gushyira intwaro hasi.

Bana natwe tugususurutse umenye

Eugene




Leave a Reply

Your email address will not be published. Required fields are marked *