Teta Diana yasohoye E.P yise “Umugwegwe” iri kugurwa Amadorali 8

Umuhanzikazi Teta Diana ukora umuziki wa gakondo yasohoye Extended Play (E.P) yise ‘Umugwegwe’ avuga ko izo ndirimbo zikubiyemo ubutumwa bwo kugarura ubumuntu mu batuye isi.

Uyu mukobwa uherutse mu biruhuko mu Rwagasabo mu minsi ishize yagiye asangiza abantu bamukurikira ku mbuga nkoranyambaga ze ababwira ko agiye kubagezaho ibintu byiza.

Mu mpera z’icyumweru gishize nibwo Teta Diana yakoze igitaramo cyo kumurikiramo iyo Extended Play yise Umugwegwe aho yaririmbye indimbo eshatu zirimo Birangwa, iwanyu iri kuri alubumu ye yashyize hanze mu myaka ibiri ishize ndetse n’umugwegwe yitiriye iyo EP.

Mu kiganiro yatanze ku gitangazamakuru kimwe mu Rwanda yagize ati “Indirimbo zose nashyize kuri EP yanjye nazikoze nshaka gutanga ubutumwa ku bantu batuye isi aho zibashishikariza kugira icyizere cy’ubuzima bw’ejo ndetse no kubaka Sosiyete tubamo ubuzima bwa buri munsi.”

Yakomeja agira ati “Izi ndirimbo nazanditse ngendeye kubyo mbona mu buzima bw’iburayi aho benshi muri iyi minsi baba bitiranya ubuzima bwaho n’ubwahandi bakeka ko aho imahanga hari icyo harusha ahandi kandi mu by’ukuri baba bibeshya cyane birangagije ko imahanga hahanda.”

Teta yasoje avuga ko ababasha kumva izi ndirimbo aho yazishyize ku mbuga zisanzwe zigurishirizwaho indirimbo nka Amazon, Deezer, Tik Tok n’ahandi, aho uyifuza ashobora kuyigura ku madorali 8 kugira abone kopi yayo.

REBA HANO VIDEO TWAGUHITIYEMO YAGUSUSURUTSA

Bana natwe tugususurutse umenye

NGIRINSHUTI Christian




Leave a Reply

Your email address will not be published. Required fields are marked *