Shaddy Boo yibasiwe n’abajura bamwambura uburenganzira kuri Instagram

Shaddy Boo yibwe konte ye Instagram benshi bahamya ko ari umwe mu mitungo ye ikomeye ndetse ari narwo rubuga rwamufashije kumenyekana cyane.

Mbabazi Shadia wamamaye nka Shaddy Boo ni umwe mu byamamare byo mu Rwanda bikurikirwa cyane ndetse yari ayoboye urutonde kuko yari amaze kwigwizaho abamukurikira barenga ibihumbi 300 kuri Instagram . Akunda gushyiraho amafoto ye amugaragaza nk’umugore ubayeho mu buzima bw’agatangaza, yasohokoye mu mijyi itandukanye ikomeye nka Dubai, Paris n’ahandi.

Ashyiraho kandi amashusho yiganjemo ayo aba ari kubyina indirimbo zitandukanye ziba zigezweho, mu buryo bukurura abasore.

Kuri ubu konti ye ya Instagram ntiri kugaragara kuko abantu bataramenyekana bamaze kuyitwara.

Izina Shaddy Boo ryari rimaze kurenga imbibi z’u Rwanda kubera inkuru nyinshi zagiye zimuvugwaho zijyanye no kugirana ibihe byiza n’abahanzi batandukanye bo hanze y’u Rwanda bagiye baza mu Rwanda barimo Davido , Diamond Platnumz n’abandi.

Izina rye ryatumbagiye mu 2017 ubwo yitabiraga ikiganiro kuri Royal Tv yabazwa niba akunda kujya ku mazi akabihakana ariko akaza kuvuga ko yikundira ‘Odeur ya ocean’. Irii jambo ryabaye intero n’inyikirizo ku mbuga nkoranyambaga no mu biganiro bitandukanye hagati y’urubyiruko.

Shaddy Boo kandi yifashishwa mu mashusho y’indirimbo zitandukanye, aheruka kugaragara mu ndirimbo ya Yvan Buravan yitwa ’Oya’. Yagaragaye kandi muri Ni Wowe ya Umutare Gaby ndetse n’izindi kuri ubu hakaba hibazwa umuntu watwaye konte ya ShaddyBoo aho ategereje ko wari uwamugezaho agakuru k’uwayitije afite icyo amukeneyeho kugirango ayimusubije nkuko n’abandi babikorwa kuri konte zabo.

Reba amwe mu mafoto ashyira kuri konte ye ya instagram:







Leave a Reply

Your email address will not be published. Required fields are marked *