Rutahizamu Anthony Martial wa Manchester United ashobora kutongera kugaragara mu kibuga vuba nyuma yo kugira imvune ikomeye arimo gukinira Ubufaransa, nkuko umutoza Ole Gunnar Solskjaer abivuga.
Martial, w’imyaka 25, yakiniye Ubufaransa mu mukino wabuhuje na Ukraine n’uwabuhuje na Kazakhstan mu mpera y’ukwezi gushize, aza kuvunika mu ivi.
Umutoza Ole yagize ati: “Kubura Anthony mu gishobora kuba igihe gisigaye cy’uyu mwaka w’imikino birababaje cyane”.
Ati: “Amakuru yavaga mu Bufaransa yari uko [imvune] idakomeye ariko biragaragara ko ari mbi”.
Nyuma, mu kiganiro na BT Sport, umutoza Ole yongeyeho ko ikipe “yizeye kongera kumubona ayikinira mbere y’impera y’uyu mwaka w’imikino ariko ntitubizi neza”.
Martial yatsindiye Manchester United ibitego birindwi muri uyu mwaka mu mikino yose muri rusange, ariko yatsinze bitatu gusa mu mikino 19 mu 2021.
Byitezwe ko United iba idafite myugariro Eric Bailly “mu gihe gito” kiri imbere nkuko umutoza Ole yabivuze, kubera ko bamusanzemo coronavirus ubwo yari kumwe n’ikipe y’igihugu ya Côte d’Ivoire, akaba atarasubira mu Bwongereza.
Ku wa kane w’iki cyumweru no ku wa kane w’icyumweru gitaha, United izahura na Granada yo muri Espagne muri kimwe cyane cy’irushanwa rya Europa League, ndetse ijye gukina na Tottenham iwayo ku cyumweru.
KANDA HANO UREBE VIDEO NZIZA
Shabani Chris
Bana natwe tugususurutse umenye
