Ronaldo agiye gupimwa ADN ku birego byo gufata ku ngufu.

Polisi ya Las Vegas muri Leta zunze ubumwe za Amerika yasabye ko Cristiano Ronaldo apimwa ADN, mu iperereza ku birego byo gufata ku ngufu uwitwa Kathryn Mayorga muri hoteli yo muri Las Vegas mu 2009. Gusa Ronaldo arabihakana akavuga ko bari bumvikanye.

Image result for cristiano ronaldo

Polisi yatanze ubusabe bwo kumukorera ADN, ngo harebwe niba yarafashe ku ngufu.

Peter S. Christiansen, wunganira Ronaldo mu mategeko yabwiye BBC ko ibyasabwe na polisi ya Amerika ari ibisanzwe.

Uyu munyamategeko wa Ronaldo yasohoye itangazo rigira  riti: “Bwana Ronaldo aracyemeza ko ibyabaye i Las Vegas muri 2009, byabaye mu bwumvikane busanzwe. Ku bw’ibyo ntawatangara ko hasabwa AND, kuko na Polisi yabisaba mu iperereza ryayo.”

Ikinyamakuru Wall Street Journal cyavuze ko ubu busabe buherutse gushyikirizwa inkiko zo mu Butaliyani, aho Cristiano Ronaldo akina mu ikipe ya Juventus, yagezemo mu mwaka ushize.

Ikinyamakuru Der Spiegel cyo mu Budage, ari nacyo cyasohoye iyi nkuru bwa mbere kuva mu Ukwakira 2018, cyavuze ko Madamu Mayorga yahise yiyereka polisi akimara gufatwa ku ngufu.

Ishami rya Polisi ya Las Vegas ‘Las Vegas Metropolitan Police Department’ ryavuze ko gusaba ko Ronaldo yakorerwa AND, ari ibisanzwe nk’uko ribikora ku zindi manza zose z’ihohotera rishingiye ku gitsina.

Iri shami ryagize riti: “Turemeza ko twabisabye ubutegetsi bw’Ubutaliyani.Mu gihe iperereza rigikomeje, nta yandi makuru twatanga cyangwa ngo tugire ikindi tubivugaho.”

Ikinyamakuru Der Spiegel kivuga ko muri 2010, Kathryn Mayorga yari yumvikanye na Ronaldo amuha ibihumbi 375 by’amadolari ($375000) ngo ntazagire icyo atangaza ku byabaye, gusa abamuburanira bashaka kuburizamo ayo masezerano.

Image result for cristiano ronaldo

Icyaha ashinjwa ngo yaba yaragikoze muri 2009 i Las Vegas.




Leave a Reply

Your email address will not be published. Required fields are marked *