Perezida Jair Bolsonaro ,Petero Nkurunziza  na John Pombe Magufuli barashyirwa mu majwi yo gutiza umurindi COVID19

Perezida Jair Bolsonaro wo muri Brazil,Petero Nkurunziza  w’Uburundi na John Pombe Magufuli uyobora Tanzania barashyirwa mu majwi yo gutiza umurindi COVID19 bayifata nk’ibyorezo bisanzwe aho gufata ingamba mu kuyirwanya ,abaturage bayoboye imibare y’abanduye n’abo ihitana irarushaho kwiyongera.

Jair Bolsonaro - Wikipedia

Perezida Jair Bolsonaro,Petero Nkurunziza na John Pombe Magufuli barashyirwa mu majwi yo gutiza umuringi COVID19

Muri Brazil, Perezida Jair Bolsonaro ari gusaba abantu gusubira mu mirimo yabo no kwifata nk’ibisanzwe, abajijwe impamvu iki cyorezo gisa n’ikitamuteye impungenge yasubije ati: “None uragira ngo?”.

Bamwe mu baperezida bayifashe nk’icyoroshye

Mu Burundi, mu birori byo kwizihiza umunsi w’umurimo Perezida Petero Nkurunziza, yumvikanye asa n’ubwira abaturage ko kubuza abantu kwegerana ari benshi ari ibyo hanze, kandi atari byo.

Brazil, iri mu bihugu 10 bya mbere ku isi bizahajwe na coronavirus, abantu barenga 100,000 bamaze kuyandura naho abarenga 7,000 yarabahitanye .

Ejo ku cyumweru mu mujyi wa Brasilia mu gikorwa cyahuje abantu benshi bamagana amabwiriza ategeka abantu kudasohoka, Bwana Bolsonaro yasabye abaturage gusubira mu mirimo, kuramukanya n’ibiganza ndetse no kwifotoza ibyo bita ‘selfie’ nta kibazo.

Ibi ariko benshi barabimugayira, bavuga ko afata iki cyorezo nk’ikintu cyoroheje.

Ubwo yabajijwe n’abanyamakuru iby’imibare y’abari gupfa iri kwiyongera cyane yarasubije ati: “None urangira ngo? Urashaka ko nkora iki? Ntabwo nakora ibitangaza”.

Bwana Bolsonaro, hambere yavuze ko iyi ndwara ari nk'”ibicurane byoroheje” ndetse ashinja itangazamakuru gukwiza amakuru atari yo ateza ubwoba mu bantu.

Bolsonaro yavuze ko “abantu bafite amateka y’imyitozo ngororamubiri nkanjye” ntakintu bumva iyo iyi virus ibafashe – avuga ko iyo bikabije bagira ibicurane byoroheje.

Leta y'u Burundi yokejwe igitutu ngo irekure abanyeshuri bashinjwa ...

Ku itariki 01/05/2020 mu birori byo kwizihiza umunsi mpuzamahanga w’umurimo byabereye i Ngozi mu majyaruguru y’u Burundi, habonetse abantu bakoranye ari benshi cyane kandi begeranye.

Mu gutanga ibihembo ku bakozi batandukanye, Perezida Petero Nkurunziza yageneye igihembo umwana we w’umuhererezi, nk’urugero rwo gushishikariza abantu guhemba abakoze neza ku nzego zose.

Amaze kumuhemba yifotoranyije nawe amufashe ku rutugu, agira ati: “We ntacyo ndagufataho kuko biriya bavuga sibyo. Biriya bavuga byo hanze sibyo, murabyitondera”.

Bisa n’aho yavugaga ibijyanye no kwirinda kwegerana no gukoranaho kw’abantu mu kwirinda icyorezo cyugarije isi.

Yahise yongeraho ati: “None hano mwese ntimwegeranye? Hari ingorane mufite hano? Dukomere amashyi Imana yacu”.

Hari abakomeje kugaragaza impungenge ku buryo ubutegetsi mu Burundi butafashe ingamba zikwiriye imbere mu gihugu zo kwirinda iki cyorezo, ibikorwa bihuriramo abantu benshi cyane birakomeje.

Mu Burundi hamaze kuboneka abantu 19 banduye coronavirus harimo bandwi (7) bayikize n’umwe yishe kn’uko minisiteri y’ubuzima mu gihugu ibivuga.

Tanzania: Ku munsi w'umurimo, Perezida Magufuli yasabye abaturage ...

Mu mpera z’ukwezi kwa gatatu, Perezida John Pombe Magufuli yumvikanye akerensa ubukana bw’icyorezo coronavirus ashingiye ku kwemera kwe.

Yari mu kiliziya iri i Dodoma aho yavuze impamvu leta itazafunga insengero, yasabye kudatinya kujya gusenga kuko ngo “mu nsengero ariho hari umuti nyawo wa coronavirus”.

Icyo gihe muri Tanzania hari hamaze kuboneka abantu 12 bafite iyi ndwara.

Yagize ati: “Aho niho hari Imana, niyo mpamvu nanjye kuza hano ntabitinye, corona uwo ni shitani ntabwo ashobora kwicara mu mubiri wa Yesu azaba yamaze gupfira aho kure”.

Abahanga mu by’ubuzima bavuga ko kudafata ingamba zo kwirinda byatumye muri Tanzania abanduye iki cyorezo biyongera vuba.

Ku mibare iheruka gutangazwa kuwa kane w’icyumweru gishize, muri Tanzania hamaze kuboneka abantu 480 banduye iki cyorezo, 167 bayikize na 16 imaze kwica.

Ihogoza Sandrine

Bana natwe tugususurutse umenye




Leave a Reply

Your email address will not be published. Required fields are marked *