Papa Francis yanze aho yari kuzacumbikirwa mu rugendo ategura muri Mozambique

Papa Francis yanze gucumbikirwa muri hoteli ihenze mu rugendo rw’iminsi itatu muri Mozambique mu kwezi gutaha kwa cyenda, nkuko bitangazwa n’ikinyamakuru Domingo cyo muri iki gihugu.

Papa Francis w'imyaka 82 y'amavuko, si bwo bwa mbere azaba asuye Afurika - amaze gusura ibindi bihugu bitanu kuri uyu mugabane

Nkuko bivugwa na Musenyeri António Sandramo, Papa Francis yashakaga icumbi riciriritse cyane, nuko yanga hoteli ya mbere yagejejweho yari yatoranyijwe n’itsinda ritegura urugendo rwe.

Amakuru avuga ko Papa azaba aherekejwe n’abantu bagera hafi kuri 50, kandi ko azacumbika muri Hotel Africa iri mu murwa mukuru Maputo – iri mu ziciriritse zo muri icyo gihugu.

Buzaba bubaye ubwa kabiri Papa asuye Mozambique – nyuma ya Papa Yohani Paul II wasuye iki gihugu mu myaka 31 ishize.

Byanatangajwe ko nta nzoga n’ibiryo bizaba byemerewe gucururizwa mu gace k’ikibuga cy’umupira w’amaguru cya Zimpeto National Stadium i Maputo ku munsi Papa azahasomera misa.

Papa Francis azava muri Mozambique yerekeza muri Madagascar.

Papa Francis w’imyaka 82 y’amavuko, si bwo bwa mbere azaba asuye Afurika kuva yatorerwa kuyobora Kiliziya Gatolika ku isi mu mwaka wa 2013.

Ibindi bihugu by’Afurika yasuye ni Kenya, Uganda, République centrafricaine, Misiri na Maroc.

Eric TWAHIRWA

Bana natwe tugususurutse umenye




Leave a Reply

Your email address will not be published. Required fields are marked *