Nyuma yo kwamamara ku mafoto yerekana ubwambure bwe,Feaeless yatandukanye n’umukunzi we Lil P

Umukobwa uririmba injyana ya Hiphop witwa Fearless wamamaye cyane kubw’imyambarireye no kudatinya nkuko yiyise,nyuma yo gutandukana n’undi muraperi witwa Lil P ngo ubu noneho agiye kurongorwa n’umugabo w’umuzungu.


Amakuru atugeraho yemeza ko nubwo urukundo rwa Fearless na Lil P rwari rumaze gukomera ngo muri iyi minsi rwajemo agatotsi ndetse ngo uyu mukobwa yabonye undi mugabo w’umuzungu ugiye kumwitwarira.

Inshuti za hafi z’aba bahanzi bombi (yaba iza Fearless n’iza Lil P) zivuga ko ubukene aribwo buri ku isonga mu bitumye batandukana ngo kuko uyu mukobwa ngo yariye amafaranga ya Lil P abonye atangiye kumushiraho ngo ahita amutera umugongo amusiga mu bukene.

Mu kiganiro na Fearless, yavuze ko abantu bivugira ibyo bashatse ngo kuko yaramaranye igihe na Lil P kuva muri 2011 bakundana kugeza ubu, ngo ariko yabonye igihe ari iki ngo buri muntu yikomereze inzira ye.

Fearless yaboneyeho gutangaza ko ari gukundana n’umuzungu kandi ko benda gukora ubukwe vuba aha, ngo mu bihe bidatinze aratumira inshuti n’abavandimwe.

JPEG - 54.1 kb
Fearless ni umwe mu bakobwa bakunze kwerekana ibice by’ibanga

Ku ruhande rwa Lil P nawe yamaganye amakuru avuga ko ari ubukene butumye atandukana na Fearless ngo ahubwo ni ibintu bumvikanyeho bombi.

Lil P yagize ati: “Njyewe nabonye uyu mukobwa aziranye n’abagabo benshi nyuma yo kubona ko nzasara kubera gufuha, mpitamo kubivamo, kuko nishakiraga amahoro”.

Urukundo rw’abahanzi bombi Fearless na Lil P rwari rumaze igihe kuko kuva ubwo uyu musore yagarukaga mu Rwanda avuye mu Bwongereza yahise akundana n’uyu mukobwa Fearless ndetse n’urukundo rwabo rurakomera.

Mbitezimana Isaac-Celebzmagazine.com

 




Leave a Reply

Your email address will not be published. Required fields are marked *