Nyamirambo: Iwabo w’ibirori ngo abasore n’abagabo baho banywa Viagra mbere yo gutera akabariro

Urubyiruko rwo mu Mujyi wa Kigali ahazwi nka Nyamirambo ndetse na bamwe mu bagabo batandukanye bahatuye bemeza ko hari igihe bifashisha Viagra kugira ngo ibashe kubongerera imbaraga mu gihe cyo gutera akabariro hamwe n’abakunzi babo kuko imbaraga zabo gusa zidahagije mu kubashimisha.

Urubuga Doctissimo ruzobereye mu kwandika inkuru z’ubuzima rwerekana ko uyu muti ubusanzwe ukunze kwandikirwa abarwayi bafite ikibazo cy’ukugabanuka kw’ingufu zo gutera akabariro, cyane cyane ababiterwa n’ingaruka z’indwara nka diabète, umuvuduko w’amaraso n’izindi.

Bamwe mu bakoresha uyu muti bavuga ko bakunda kuwifashisha iyo bagiye gukora imibonano mpuzabitsina kubera ko ubongerera imbaraga ndetse ugatuma batarangiza vuba.

Bemeza ko uwakoresheje ibi binini bya Viagra iyo arimo gukora imibonano mpuzabitsina ashobora kurangiza nyuma y’iminota 45 ku buryo ari imwe mu mpamvu ituma bakunda kubikoresha.

Muhizi Jean Paul w’imyaka 37 utuye mu Murenge wa Nyamirambo yagize ati “Iyo wayikoresheje umukobwa uramushimisha kuko [abakobwa] ntibakunda abantu barangiza vuba.”

Maniraho Patrick wo mu Murenge wa Rwezamenyo, we avuga ko adashobora gukora imibonano mpuzabitsina atanyoye Viagra cyangwa ikinini bita ‘Roch’ kuko ngo ‘ituma ushimisha umukunzi wawe nk’uko bikwiye’.

Ingaruka zishobora guterwa na viagra

Umuyobozi w’Ishami rishinzwe kurwanya SIDA n’izindi ndwara zandurira mu mibonano mpuzabitsina n’umwijima, Dr Sabin Nsanzimana, yatangaje ko gukoresha Viagra birimo ingaruka nyinshi zirimo kongera umuvuduko w’amaraso no kuba umutima wahagarara.

AtiIngaruka zirahari cyane zirimo kongera umuvuduko w’amaraso no kuba umutima wahagarara kubera ko uba ukoresheje umuti cyangwa ikindi gisa nka cyo kugira ngo wongere ubushobozi utari ufite, uretse kandi na Viagra n’ibindi byongera imbaraga kuko biba bikora ku mutima kugira ngo utumva umunaniro cyangwa se bigatuma uba nk’uri maso kandi wari usinziriye.”

Yongeyeho ko gukoresha Viagra no kunywa ikawa nyinshi cyangwa ibiyobyabwenge nk’urumogi, cocaine bigira ingaruka zishobora no gutera umuvuduko w’amaraso no kuba umutima wahagarara.

Viagra mbere yakoreshwagwa mu gukemura ikibazo cy’umutima udatera neza ariko nyuma yaje kujya yifashishwa mu bindi. Ni umuti uhabwa umurwayi mu gihe yawandikiwe na muganga.

 

Mbitezimana Isaac-Celebzmagazine.com
BANA NATWE CELEBZMAGAZINE.COM TUGUSUSURUTSE UJIJUKE




Leave a Reply

Your email address will not be published. Required fields are marked *