Nigeria hadutse icyorezo  kidafite umuti n’urukingo giterwa no kurya inkende

Guverinoma ya Nigeria iratangaza ko ihangayikishijwe n’indwara idasanzwe bivugwa ko iterwa no kubana, kurya no gukina n’inkende ariko by’umwihariko ikaba igoye kuyivura ndetse ikaba idakingirwa.

Nigeria: Hadutse icyorezo cy’indwara iterwa n’inkende gishobora koreka imbaga

Guhera mu mpera z’icyumweru gishize, ni bwo abantu bo mu gace ka Bayelsa bagera kuri 16 bajyanywe ku bitaro bya Niger Delta University babyimbagatanye umubiri wose kubera ibiheri bise Monkey Pox.

Ni muri urwo rwego bimaze kugaragara ko iyi ndwara ikwirakwizwa n’Inkende, Guverinoma ya Nigeria yahagurukiye guhangana n’iki kibazo kuko bidatinze cyakoreka imbaga.

Iyi ndwara ikunda  kwibasira abarya inyama z’inkende ariko ikandura

Monkeypox ni indwara y’ibiheri biza umubiri wose, abaganga bakaba batangaza ko biterwa ahanini no kurya inyama z’inkende ku baturage baturanye n’amashyamba ari na ho iyi ndwara yibaze, gukina na zo n’ibindi.

Leta ya Nigeria kandi yahise iboneraho umwanya wo gutanga amatangazo hirya no hino yo kugira isiku ku baturage ndetse hakanakorwa isuzuma, kudapfa kurya inyama z’inyamaswa zo mu gasozi n’ibindi byatuma iyi ndwara ikwirakwira.

Iyi ndwara y’ibiheri iterwa na virusi yo mu nkende, igaragaye muri iki gihugu ku nshuro ya 2, aho yigeze kwica abantu 3 mu myaka ya 1971-1978 ubu ikaba ari bwo yongeye kugaragara.

Utu dukoko tujya gusa n’abantu, ubusanzwe twibera mu biti ariko tugakunda kwisanisha n’abantu mu mico no mu mikorere, akenshi ugasanga abana bakina na two ndetse bamwe na bamwe bakanatworora.

Monkeypox ni indwara yandurira mu gusuhuzanya, gukoranaho cyangwa kurya inyama z’inkende.

Ikigo cyo muri Nigeria gishinzwe gukurikirana iby’indwara z’ibyorezo, NCDC cyatangaje ko hakiri gukorwa iperereza ku buryo iyi ndwara yakwirindwa mu buryo burambye, gusa kikanatangaza ko nta we urabasha gupfa yishwe n’iyi ndwara n’ubwo umubare w’abayandura ukomeza kwiyongera ndetse n’anayirwaye bakaba bahabwa akato.

Iyi ndwara ngo ifata gahoro gahoro ikagenda ikura ndetse umuntu akayigendana abona ari uduheri dusanzwe ariko uko bukeye bukira bikagenda bikura bikanaba byinshi ku buryo bishobora guhindisha umuriro bityo umuntu akaba yahita apfa mu gihe arembye ntabone umuntu umwitaho.

Ihogoza Sandrine-Celebzmagazine.com




Leave a Reply

Your email address will not be published. Required fields are marked *