Natanze imbabazi z’umubyeyi! Bad Rama yemeza ko Marina yemeye kwisubiraho

Umuhanzikazi Marina Deborah wari umaze iminsi mike asezeye mu nzu yamufashaga ya The Mane yisubiyeho ku cyemezo yari yafashe asaba imbabazi asubiramo nyuma y’uko asanze ibyo yari yakoze ari amakosa.

Natanze imbabazi z’umubyeyi! Bad Rama uvuga ko yatanze imbabazi kuri Marina nyuma yo kwisubira

Bad Rama abinyujije ku rukuta rwe rwa instagram yatangaje ko Marina yamaze kugaruka mu nzu ifasha abahanzi ayobora ya The Mane, Mu ifoto yashyizeho bicaranye muri Studio maze ayiherekesha amagambo yigaruka rye.

Agira ati “Marina mu ndirimbo ye nshya Nyuma yo gufata Umwanzuro wo kugaruka mu rugo ariho (The mane music label), Nange ndi umuntu Ku makosa nakoze Ababaza Abo nkunda Ati ndagarutse kandi ngarukanye Urukundo n’umuhate mu kazi I’m sorry.”

Yakomeje agira ati “Warenzaho iki Ubaye wowe uri The mane Umwana Akosheje Akagaruka akagusaba imbabazi z’ibyo yakoze ntakindi narigukora nk’umubyeyi. Imbabazi nazitanze ubu Marina arimu mu muryango wa The Mane. Ubu amaze iminsi ari muri Studio atunganya Indirimbo kuko yumva ko ariyo nzira nziza yo gutanga ubutumwa bwe bw’ibyabaye.”

Ifoto yaherekwejwe n’amagambo Bad Rama avuga ko yahaye umuhanzikazi Marina wisubiyeho ubwo bari muri Studio

Bad Rama yasabye abafana ba The Mane gukomeza gushyigikira Marina kuko ubu ari urugendo rushya batangiye.

Yasoje ashimira itangazamakuru ndetse n’abandi bafite aho bahuriye n’imyidagaduro mu Rwanda ku ruhare bagira mu iterambere rya muzika gusa yanenze n’abifuza gusubiza muziki nyarwanda inyuma bavuga ibitaribyo bafite gahunda yo kuvangira abahanzi ndetse nabifuza gusenya ibyo batubatse ariko Imana igaca akanzu.

Marina yari yarasezeye tariki ya 21 Mata 2021 hamwe na Queen Cha na Gahunzire Aristide wakurikiranaga inyungu z’abahanzo bo muri The Mane.

Nyuma yo kwisubiraho kwa Marina ubu The Mane irimo abahanzi babiri we hamwe na Mbanda Calvin.

REBA HANO VIDEO TWAGUHITIYEMO YAGUSUSURUTSA

Bana natwe tugususurutse umenye

NGIRINSHUTI Christian




Leave a Reply

Your email address will not be published. Required fields are marked *