Mourinho imbere y’urukiko arashinjwa kunyereza imisoro

Umutoza w’ikipe ya Manchester United, Jose Mourinho yamaze kugera muri Espagne aho yitabye urukiko kugira ngo asubize ibibazo abazwa nyuma yo kuregwa kunyereza imisoro igihe yatozaga Real Madrid hagati ya 2010 na 2013.  

Uhagarariye Mourinho mu mategeko yahakanye ko amafaranga agera kuri miliyoni 3.3 z’amayero (miliyoni 2.9 z’amapawundi) uyu mutoza wa Manchester United agomba kwishyura ntayo yanyereje.

Aya mafaranga ni aya (image rights revenue) bivuzeko ari amafaranga Mourinho yinjije mu bijyanye no kugurisha amashusho ye.

Mourinho akaba yitabye urukiko mu mujyi wa Madrid ahitwa Pozuelo de Alarcon.

Ni nayo mpamvu umutoza Jose Mourinho yakoze ikiganiro n’abanyamakuru ku munsi wo kuwa kane aho kuba uyu munsi kuwa gatanu nk’ibisanzwe kubera ko yagombaga kwerekeza muri Espagne kwitaba urukiko nyuma yuko abayobozi bo muri Espagne batangiye gukurikirana ibijyanye na dossier ya Mourinho muri Kamena.

Uhagarariye Mourinho mu mategeko, Gestifute, yavuzeko Jose Mourinho yishyuye imisoro irenga miliyoni 26 z’amayero ku kigero kirenga  41% igihe yari muri Espagne atoza Real Madrid kuva muri Kamena 2010 kugeza muri Gicurasi 2013.

Jose Mourinho utoza Manchester United ari imbere y’urukiko habura iminsi ibiri ngo bakine n’ikipe ya Chelsea muri Premier League.

Kuregwa kwa Mourinho bibaye nyuma yibyabaye ku bakinnyi benshi bakina muri iki gihugu harimo Lionel Messi, Javier Mascherano na Angel Di Maria bose bakomoka muri Argentine ndetse na kabuhariwe wa Real Madrid Cristiano Ronaldo.

DUSHIMIMANA AIMABLE-Celebzmagazine.com

 




Leave a Reply

Your email address will not be published. Required fields are marked *