Mo Salah, Sanchez na Eden Hazard bashobora kuva mu makipe yabo bitunguranye

Amakuru ajyanye no guhindura amakipe ku bakinnyi bakina ku mugabane w’uburayi akomeje guca amarenga ko bamwe mu bagenderwaho mu makipe akomeye bashobora kuyavamo bitunguranye.

Related image

Ikinyamakuru AND Deportes cyo muri Esipanye cyavuze ko Umukinnyi w’umunya-Chile, Alex Sanchez ashobora kwisubirira mu ikipe yahozemo ariyo Arsenal kuko atagiriye ibihe byiza mu ikipe ya Manchester United akinira kugeza ubu.Ibi byagarutsweho cyane n’umwe mu bakiniye Arsenal mu bihe byashize, Marc Overmars.

Related image

Mu ikipe ya Chelsea nayo y’i London haravugwa amakuru y’uko bashobora kurangiza ibijyanye no gusinyisha rutahizamu w’umunya-Argentine, Gonzalo Higuain kuri miliyoni 36 z’amayero nk’uko bamaze kubyemeranya na Juventus uyu mugabo w’imyaka 31 yakiniraga.

Related image

Muri Chelsea kandi haravugwa ndi nkuru y’uko kizigenza wabo, Eden Hazard ashobora kwerekeza mu ikipe ya Real Madrid yakomeje kumwifuza. Ibi byakomejwe n’amagambo yatangajwe n’umunyezamu wa Real Madrid, Thibaut Courtois wakinanye na Hazard muri Chelsea kandi banakinana mu ikipe y’igihugu y’Ububiligi.

Courtois yatangarije ikinyamakuru VTM Niews ko yifuza kongera gukinana mu ikipe imwe na Hazard w’imyaka 28 kandi ko abona bishoboka cyane.

Related image

Ikinyamakuru Daily Mail cyanditse ko mu ikipe ya Liverpool hari inkuru y’uko umunya-Misiri, Mohamed Salah ashobora kuyivamo bitunguranye mu gihe ikipe ya Liverpool yakemera igiciro cya miliyoni 44 z’amapawundi hiyongereyeho umukinnyi Paulo Dybala, ihabwa na Juventus yo mu Butaliyani.

Mu gihe izindi kipe zifuza kugura abakinnyi bashya, muri Manchester United ho hari amakuru y’uko ishaka kongerera abakinnyi bayo; David de Gea na Marcus Rashford ubwo uyu mwaka w’imikino uzaba urangiye.




Leave a Reply

Your email address will not be published. Required fields are marked *