Minisitiri Uwacu Julienne yatanze umukoro “abahanzi nyarwanda imvugo ibe ngiro”

Minisitiri w’Umuco na Siporo, Uwacu Julienne, wari n’umushyitsi mukuru mu birori bisoza amarushanwa yo gukumira ibyaha; yashimiye abatsindiye ibihembo bitangwa na Polisi asaba abahanzi nyarwanda kujya batambutsa ubutumwa buhuye n’ingiro.

Image result for Minisitiri Uwacu JulienneMinisitiri w’Umuco na Siporo, Uwacu Julienne

Ati “Abahanzi twabonye batoranyijwe mu bandi batugaragarije ubushobozi n’imbaraga ubuhanzi bufite mu gutanga ubutumwa buhindura imibereho, imyumvire n’imitekerereze by’abakurikirana ubwo butumwa. Niyo mpamvu tudashidikanya ko uruhare n’imbaraga by’abahanzi mu gukumira ibyaha ari ntagereranywa.”

Yakomeje agira ati “Ijwi ryabo rirenga n’utarababona, ubutumwa bwabo bumugeraho kandi kubera agaciro bafite mu muryango nyarwanda buri wese aba yifuza kwisanisha nabo bivuze ko ubutumwa batanga babuhuje n’ingiro bagira uruhare rukomeye mu guhindura u Rwanda igihugu kitarangwamo icyaha.”

Muri ibi birori kandi Minisitiri Uwacu yahamagariye abandi bahanzi mu ngeri zitandukanye kugira uruhare mu gutambutsa ubutumwa buhamagarira abanyarwanda gukumira ibyaha.

Ibiyobyabwenge bifatwa nk’inkingi ya mwamba mu gutuma habaho ibyaha bitandukanye ari nayo mpamvu Guverinoma y’u Rwanda binyuze muri Polisi y’igihugu ihora ifata ingamba mu gukumira no kurwanya ibiyobyabwenge.Ni nyuma yuko bamwe mu bahanzi ubu bafunzwe bazira gukoresha ibiyobyabwenge,urugomo,no kwijandika mu bikorwa bihungabanya umutekano w’igihugu.

Image result for Fireman iwawa

Umuraperi Fireman ukunzwe mu mujyi wa Kigali ari i Wawa nyuma yo kubatwa no gukoresha ibiyobyabwenge

Mu kwa kabiri uyu mwaka aha yari yafashwe aregwa kwiba telephone (kugira ngo abashe kugura ibiyobyabwenge), ubu yongeye gufungwa aribyo azira

Gisa cy’Inganzo arafunzwe gukoresha ibiyobyabwenge

Image result for Jay PollyJay Polly afunzwe azira gukubita no gukomeretsa umugore we

Aya marushanwa yari afite insanganyamatsiko igira iti ‘Uruhare rw’umuhanzi mu gukumira ibyaha’, yatangiriye hirya no hino mu turere kugeza ku rwego rw’Intara.

Kuri uyu wa 27 Nzeri 2018, I Kigali kuri Petit Stade nibwo habaye igikorwa cyo kurushanwa ku rwego rw’igihugu aho buri ntara yari ihagarariwe n’umuntu umwe muvugo n’itorero.

Ibi bihembo byatanzwe na Polisi y’u Rwanda byari mu byiciro bibiri; imivugo, n’imbyino aho uwatsinze mu muvugo yahawe ibihumbi 150 Frw naho itorero ryatsinze mu mbyino rigahabwa angana na ibihumbi 350 Frw.

Twabibutsa ko ubwo Perezida Kagame yaganiraga n’urubyiruko rw’abanyamwuga mu ngeri zitandukanye mu kiganiro cyiswe ‘Meet the President’, yabwiye urubyiruko ko rudakwiye kureberera inshuti n’abavandimwe bishora mu biyobyabwenge kuko byica ahazaza habo, ah’imiryango n’igihugu cyabibarutse.

Ubushakashatsi bwo mu 2017 bwa Minisiteri y’Ubuzima bwerekanye ko urubyiruko ruri hagati yimyaka 14 na 35 rwakoresheje ibiyobyabwenge. Muri bo 7.46 % babaswe n’inzoga, 4.8% baganzwa n’itabi.

Mu 2017, Ikigo Ngororamuco cya Huye cyakiriye abagera kuri 209 bafite ibibazo bituruka ku ikoreshwa ry’ibiyobyabwenge naho mu bitaro by’uturere hakirwa abagera kuri 448.

Polisi y’u Rwanda yatangaje ko mu 2017 yakiriye ibirego 3941 by’abakoresha n’abacuruza ibiyobyabwenge, bingana na 18% y’ibyaha byakozwe muri uwo mwaka.

Hashize iminsi inzego zitandukanye zarahagurukiye ikibazo cy’ibiyobyabwenge, aho mu bice bitandukanye by’igihugu habaye ibiganiro bikangurira urubyiruko kubireka burundu.

 

Hagenimana Thierry-Celebzmagazine.com

BANA NATWE TUGUSUSURUTSE UMENYE




Leave a Reply

Your email address will not be published. Required fields are marked *