Mbaza nkubaze! Frank de Boer agiye kugaruka mu butoza muri Espagne

Uwahoze atoza ikipe ya Crystal Palace umuholandi Frank de Boer akaza gutakaza imikino ine ya mbere muri Premier League adatsinze n’igitego na kimwe bikamuviramo kwirukanwa arateganya kugaruka mu butoza.

Frank de Boer agiye kugaruka mu butoza nyuma y’igihe gito asezerewe

De Boer w’imyaka 47, yashizeho agahigo k’umutoza wamaze igihe gito atoza ikipe yo muri Premier League maze nyuma akirukanwa. Yatsinze umukino umwe muri Carabao Cup atsinze Ipswich ibitego 2-1 ku kibuga cyabo cya Selhurst Park.

Roy Hodgson niwe wasimbuye De Boer muri Crystal Palace

Amakuru agezweho, ikipe ya Deportivo La coruna yo muri Espagne irateganya guha akazi uyu mugabo wahoze akinira ikipe ya FC Barcelona, nyuma yaho umutoza uri gutoza iyi kipe Pepe Mel Atari kwitwara neza dore ko ubu iyi kipe ihagaze ku mwanya wa 18 mu makipe 20 n’amanota 4 yonyine.

Abayobozi ba  Deportivo la Coruna bakaba baravuganye n’abajyanama ba De boer kugira ngo uyu mugabo agaruke muri Espagne.

Pepe Mel umutoza wa Deportivo la Coruna

Uyu mugabo Pepe Mel w’imyaka 54 uri gutoza La coruna akaba aherutse gutsinwa na Espagnol ibitego 4-1 mu mukino uheruka wa shampiyona La Liga.

Frank de Boer yakiniye amakipe akomeye nka Ajax,Barcelona,Rangers na Galatasaray atoza Ajax,inter de Milan na Crystal palace,akaba yaratoje ikipe y’igihugu y’ubuholandi nk’umutoza wungirije.

DUSHIMIMANA  Aimable-Celebzmagazine.com




Leave a Reply

Your email address will not be published. Required fields are marked *