Mayweather yashotoye McGregor aheruka gukubita nk’umwana akegukana akayabo k’Amadolari

Ikirangirire mu iteramakofe ku isi, Floyd Mayweather, yavuze amagambo yafashwe na bamwe nko gushotora McGregor aherutse gukubita nk’umwana muto akegukana akayabo ka miliyoni 100 z’Amadolari.

Image result for mcgregor vs mayweather

Mu kiganiro yagiranye n’umuhanga mu gusetsa, Kevin Herat, Mayweather hari aho yagize ati: “ Niba yumva anshaka, njye nditeguye azagaruke turwane.”

Aya magambo bamwe bayafashe nko kwishongora no gushotorana kwa Mayweather wifuza kongera gukubita McGregor ngo yitwarire akandi kayabo k’amadolari.

Umukino uretse guhuza Mayweather ukomoka muri Leta zunze ubumwe za Amerika na McGregor ukomoka muri Ireland, wabaye muri Kanama 2017, aho Mayweather yatsinze kuri Knock out mu gace ka 10, ahabwa akayabo k’amadolari.

Uyu mukino wanditse amateka kuko wabaye uwa kabiri mu mateka watanzweho akayabo, kuko Floyd Mayweather watsinze yahawe miliyoni 100 z’Amadolari naho Conor McGregor ahabwa miliyoni 30 z’Amadolari.

Mayweather aherutse gukubita McGregor atsindira akayabo ka miliyoni 100 z’Amadolari.




Leave a Reply

Your email address will not be published. Required fields are marked *