Man United vs Chelsea: Menya byinshi kuri uyu mukino mbere yuko uba kuri iki cyumweru

Kuri iki Cyumweru guhera saa 17:30, Manchester United irakira Chelsea mu mukino utegerejwe na benshi ku munsi wa mbere wa Premier League mu Bwongereza.

Image result for MNU VS CHELSEA

Uraza kuba ari umukino wa mbere w’irushanwa ku mutoza mushya wa Chelsea FC, Frank Lampard wabaye umunyabigwi ukomeye ubwo yakiniraga iyi kipe.

Myugariro Harry Maguire uherutse kuba umukinnyi w’inyuma uhenze ku Isi ubwo yagurwaga muri Leicester City, yitezwe gutangira uyu mukino muri Manchester United.

Iyi kipe iraza kuba iri imbere y’abafana bayo, itegereje kureba niba Paul Pogba ameze neza nyuma yo kugira ikibazo cy’umugongo, Alex Sànchez ashobora kubanza hanze nyuma yo kuva muri Copa América atinze mu gihe Eric Bailly azamara hanze amezi ane nyuma yo kubagwa.

Chelsea ishobora gukina uyu mukino idafite N’Golo Kanté nyuma yo kugira imvune yo mu ivi mu mikino yo kwitegura shampiyona mu gihe Ruben Loftus-Cheek, Antonio Rüdiger na Callum Hudson-Odoi bavunitse.

Agaruka kuri rutahizamu Romelu Lukaku wamaze kugurishwa muri Inter Milan yo mu Butaliyani, Ole Gunnar Solskjaer, yavuze ko yari umukinnyi ufite imibare myiza, ariko ngo yizeye abakinnyi bato basigaye.

Ati ”Birumvikana, Rom yari umukinnyi uhagaze neza n’imibare irabigaragaza. Ni umwe mu ba numero icyenda (9) beza mu gihe ushaka gukinisha abameze nka we. Mfite icyizere ko tuzabona ibitego biturutse kuri Martia, Daniel James, Rashford na Jesse Lingard.”

“Mason Greenwood azabona umwanya wo gukina, nawubona, azatsinda ibitego.”

Umutoza wa Chelsea, Frank Lampard agaruka ku bihano byo kutagura byafatiwe ikipe ye, yavuze ko bitabaca intege, bazakomeza gutahana.

Yagize ati “Tugomba gukomeza guhatana n’ubwo turi muri ibi bihe. Kuba twarahagaritswe kugura, birasaba kumenya ikipe yawe uko ihagaze.”

Chelsea yaguze Christian Pulisic na Mateo Kovačić; yatakaje abarimo Eden Hazard (Real Madrid), Alvaro Morata (Atlético Madrid), Gary Cahill (Yararekuwe), Ethan Ampadu (RB Leipzig), Danny Drinkwater (Burnley) na David Luiz (Arsenal).

Manchester United yo yaguze Harry Maguire, Daniel James na Aaron Wan-Bissaka ariko itakaza Romelu Lukaku (Inter Milan), Ander Herrera (PSG), Dean Henderson (Sheffield United), Antonio Valencia (LDU Quito) na James Wilson (Aberdeen).

Manchester United yaherukaga kwakira Chelsea ku munsi wa mbere wa shampiyona mu 1958, aho yayitsinze ibitego 5-2.

Manchester United imaze imikino itandatu yo mu rugo idatsindwa na Chelsea (yatsinze ibiri, inganya ine), ifite intsinzi ebyiri gusa mu mikino 13 iheruka guhuza amakipe yombi muri Premier League (yanganyije itandatu, itsindwa inshuro eshanu.)

Chelsea ni yo kipe yatsinze imikino myinshi ya Premier League yahuyemo na Manchester United kurusha iyo yatsinzwe, aho ifite intsinzi 18 mu gihe yatsinzwe inshuro 15.

Related image

Imikino ya Premier League iteganyijwe ku Cyumweru, tariki ya 11 Kanama 2019

  • Newcastle United vs Arsenal (15:00)
  • Leicester City vs Wolves (15:00)
  • Manchester United vs Chelsea (17:30)

Imikino yabaye

Ku wa Gatanu, tariki ya 9 Kanama 2019

  • Liverpool 4-1 Norwich City

Ku wa Gatandatu, tariki ya 10 Kanama 2019

  • West Ham 0-5 Manchester City
  • Bournemouth 1-1 Sheffield United
  • Burnley 3-0 Southampton
  • Crystal Palace 0-0 Everton
  • Watford 0-3 Brighton
  • Tottenham 3-1 Aston Villa

Eric TWAHIRWA




Leave a Reply

Your email address will not be published. Required fields are marked *