Kizigenza ku Isi muri Tennis Novak Djokovic yanduye COVID-19

Umukinnyi wa mbere w’ umuhanga ku isi mu mukino wa Tennis,Novak Djokovic yatangaje ko yanduye Coronavirus akaba abaye umukinnyi wa kane wa teniss wanduye iyi ndwara ubwo yari mu batumirwa batangizaga amarushanwa yaberaga mu gace ka Balkan avukamo.

Umuvugizi wa Novak yatangaje ko nubwo umukinnyi yemeza ko yanduye Corona ngo nta kimenyetso na kimwe kibigaragaza  gusa bibaye nyuma yaho abandi bakinnyi  ba Tennis nka Grigor Dimitrov, Borna Coric na Viktor Troicki basanganywe iki cyorezo.

Novak Djokovic yaboneyeho umwanya wo gutangaza ko we n’ umugore we Jelena basanze banduye covid-19 ariko abana babo basuzumwe basanga nta kibazo bafite.

Umukinnyi wa Tennis Dimitrov ukomoka muri Bulgaria uri ku mwanya 19 ku isi nawe yatangaje mu mpera z’ iki cyumweru ko yanduye Covid-19.

si abo gusa, kuko n’ abakinnyi babiri umwe wo  muri Croatia  Coric na  mugenzi we wo muri Serbia ,Troicki nabo batangaje mu ntangiriro z’ iki cyumweru ko banduye iki cyorezo.

Ineza Carine/celebzmagazine.com




Leave a Reply

Your email address will not be published. Required fields are marked *