Kenya:Imbere y’imbaga y’abakirisitu Pasiteri yishe umugore we nawe ariyica

Muri Kenya  haravugwa  inkuru y’umupasitori  witwa Elisha Misiko watangaje abakirisu kuri iki cyumweru taliki 5 Mutarama 2020 , wishe umugore we ubwo bari mu materaniro  arangije nawe ariyica.

Elisha Misiko n'umugore wiwe, Ann Mghoi, bari baratandukanye bapfa uburongozi bw'urusengero 3 G bafatanije gushinga

Aya mahano yakorewe ahitwa Mombasa ubwo umugabo  n’umugore bari basanzwe bombi ari abashumba  b’urusengero ndetse banafatanyije kurwubakaka, imbere  y’abayoboke yafashe inkota agicumita umugore we ahita apfa na we ariyica.

Abakirisu bari muri urwo rusengero babwiye abanyamakuru ko Elisha Misiko yari yicaye ku ruhimbi, umugore we na we, Ann Mghoi yari aho ari gutanga inyigisho.

Ngo ni uko umugabo we Misiko yamusanze inkota yari yayihishe mu ishati ahita ayimutera mu mugongo ahinguranya mu mutima ,nawe ahita ayitera ahaherereye umutima we bapfira rimwe.

Uyo mugabo n’umugore  ngo bapfaga umutungo uva muri uru rusengero rwabo rwitwa 3 G (Grounds for God’s Gospel).

Umwe mu bakirisutu basengeraga muri urwo rusengero ati: “Twebwe twibwiraga ko ari ikintu agiye kumubwira dutungurwa n’uko yaragambiriye kumwica. “.

Uwundi ati: “Uyu mugabo yari yarafatanyije n’umugore we gutangiza uru rusengero ariko baratandukanye. Yari amaze kumutera ubwoba inshuro nyinshi, kandi yari yaranavuze ko azakora ibyo yakoze uyu munsi”.

Aba batangabuhamya batangaje ko uyu mugabo yari yarabigambiriye igihe kinini none aruhutse abigezeho.

Uyu mugabo yahise apfa, mu gihe umugore we yaje gupfira mu bitaro. Amakuru akomeza avuga ko baherukaga gutandukana bapfa ukwiye kuyobora urusengero n’uburyo bwo kugabana inyungu.

S/https://www.bbc.com/




Leave a Reply

Your email address will not be published. Required fields are marked *