Kenya na Tanzania imbere mu karere mu kugira abaherwe benshi batunze za miliyari (Billionaires) – Raporo

Ibihugu bya Kenya na Tanzania nibyo biza imbere muri Afurika y’uburasirazuba mu kugira abaherwe benshi batunze za miliyari nk’uko byemezwa n’ubushakashatsi.

Nk’uko bigaragazwa na raporo ya 2019 ku bukungu muri Afurika yashyizwe ahagaragara mu kwezi gushize na African Bank, Kenya niyo iza imbere n’abaturage batunze miliyari y’amadolari 356, ikurikirwa na Tanzania ifite 99, Uganda ku mwanya wa gatatu n’abaherwe batunze Miliyari 67, mu gihe u Rwanda ruza ku mwanya wa kane rufite abaherwe batunze amafaranga agera kuri miliyari 30.

Iyo raporo ivuga ko abo baherwe bafite ubukire bubarirwa muri miliyari 10, ariko Tanzania ikaba ifitemo umwe utunze miliyari 1 imwe y’amadolari.

Ku mugabane wa Afurika muri rusange, raporo igaragaza ko Afurika y’Epfo iza ku mwanya w’imbere mu kugira abaherwe benshi batunze miliyari bagera ku 2,169, Misiri 932 na Nigeria 531.

Iyi raporo ariko ntivuga umuherwe n’umwe ngo igaragaze n’umutungo we nk’uko iyi nkuru dukesha Bongo5 ikomeza ivuga.

Mu mijyi mikuru, Umujyi wa Nairobi mu karere niwo uyoboye n’ubukire bwa miliyari 49$, iza imbere ya Dar es Salaam ufite miliyari 24$, mu gihe Kampala ari miliyari 16$ irusha Addis Abeba ifite miliyari 14$.

Iyi raporo kandi igaragaza ko abaherwe batunze miliyari (billionaires) y’amadolari muri Afurika ari 16% ugereranyije n’abandi ku Isi. Afurika ngo ikaba ifite ubukungu bwa 1% gusa ugereranyije n’ubukungu bwose ku Isi.

Ubukungu bwa Afurika muri rusange ni trillion 2.2 $ (miliyari 2,200), 42% by’ubu bukungu bukaba bwikubiwe n’abakire bo ku rwego rwo hejuru bakeya.

Raporo kandi ivuga ko muri Afurika haba abaherwe 140,000 buri umwe akaba abarirwa umutungo ungana na miliyoni 10$.

Raporo kandi ivuga ko hari miliyoni 6,900 z’abantu baba muri Afurika buri umwe akaba atunze byibuze miliyoni 10$ cyangwa asaga gato, usibye 23 batunze abarirwa muri miliyari buri umwe afite umutungo wa miliyari y’amadolari.

 

Denzo N.




Leave a Reply

Your email address will not be published. Required fields are marked *