Kenya: Hafashwe ifoto y’intare ebyiri zihuje igitsina zirimo gutingana!

 Mu gihe hirya no hino ku isi harimo kuvugwa ikibazo cy’ubutinganyi mu bantu, noneho byageze no mu nyamaswa z’ishyamba.Mu gihugu cya Kenya muri Pariki ya Masai Mara, hafashwe amafoto y’intare ebyiri z’ingabo zirimo gukora urukundo.

Nyuma yo kubona aya mafoto y’izi nyamaswa abantu batandukanye  batangiye kuyakwirakwiza ku mbunga nkoranyambaga hirya no hino .

Intare zafotowe zikora ubutinganyi.

Aya mafoto yafashwe n’umukerarugendo uzwiho kugira ubuhanga mu gufotora no kugaragaza amabanga y’inyamaswa, Paul Goldstein. Abantu benshi bakomeje gutangarira iki gikorwa cy’izi nyamaswa ndetse hatangira no kwibazwa niba izi nyamaswa zizwiho kuba abami b’ishyamba zaba zigiye gucika.

Asobanura ku bijyanye n’iki gikorwa umuhanga mu by’inyamaswa, Dr Ezekiel Mutua, yavuze ko bishoboka ko izi nyamaswa zizwi nk’intare zishobora gucika zikaba amateka.

Abinyujije ku rukuta rwe rwa Twitter Dr Mutua yagize ati”Birashoboka ko izi nyamaswa zishobora gucika, niba inyamaswa zororoka biturutse kuko zibangurirana se,urumva ko zaba zigeze igihe cyo gucika ku isi”

Dr Mutua ariko akomeza avuga ko agiye gukora ubushakashatsi ku cyaba kirimo gutera ubutinganyi mu nyamaswa .Bamwe mu baturage ba Kenya baganiriye na Nairobi news bayitangarije ko impamvu bumva ishoboka ari uko izo nyamaswa zishobora kuba zarabonye abantu barimo gutingana nazo zikagerageza kubigana. Gusaba bakibaza bati” Niba intare ariyo nyamaswa iyobora ishyamba ikaba yatangiye ubutinganyi, inyamaswa zose ziyikurikije ntibyaba intandaro yo kuba twaba tugiye kubona isi itagira inyamaswa mu gihe kizaza?”.

Intare na zo zatangiye kwiga imico y’ubutinganyi,hari ubwoba ko zigiye kuzacika ku isi.

Kugeza ubu nta muntu n’umwe urabasha kuvumbura impamvu yaba yateye izi nyamaswa gutingana, Abakristo bo bati”Ibyo byose bigaragaza kuzuza ibyahishuwe nk’uko byanditswe mu gitabo cy’Abaroma 1-26-28”Kandi n’abagabo nabo ni uko bareka kugirira abagore ibyo imibiri yabo yaremewe ,bashyushywa no kurarikira abandi bagabo”.

Ildephonse Dusabimana-celebzmagazine.




Leave a Reply

Your email address will not be published. Required fields are marked *