Ikipe ya Chelsea yahaye amasezerano umutoza Tuchel nyuma yo kwegukana Champions League

Ikipe ya Chelsea yahaye amasezerano y’imyaka ibiri umutoza Thomas Tuchel nyuma yo kwegukana igikombe cya Champions League umwaka 2020-2021, amasezerano azageza mu mpeshyi umwaka 2024.

Umutoza w’Umudage uherutse gusimbura Frank Lampard i Stamford Bridge mu kwezi kwa Mbere, yahawe amasezerano y’imyaka ibiri nyuma yo gutsinda umukino wa nyuma wa UEFA Champions League ikipe ya Manchester City i Porto.

Thomas Tuchel ahawe amasezerano y’igihe kirere nyuma yayo yari yabanje guhabwa akigera mu ikipe ya Chelsea y’umwaka umwe n’igice, bingana n’amezi 18.

Ikipe ya The Blues nkuko abakunzi bayo bayita yagize impinduka y’mutoza muri Mutarama, aho Frank Lampard wamamaye mu ikipe akina yikinira akaza kuyitoza yaje kwirukanwa nyuma yo gutanga umusaruro mubi bityo uwahoze ari umutoza wa Borussia Dortmund na Paris Saint-Germain akabengukwa n’umukire wa Chelsea akamuha amasezerano.

Tuchel akimara kugera mu ikipe yahise agira icyo akora ako kanya, arangiza muri bane ba mbere muri shampiyona y’Ubwongereza ndetse agera no ku mukino wa nyuma w’igikombe cya FA yaje kwegukanwa na Leicester City mbere yo kwemeza abakire ba Chelsea akegukana igikombe atsinze Manchester City muri Champions League.

Uyu mutoza w’imyaka 47 yageze mu ikipe akora ibihe byiza mu kanya gato kuko mu mikino 30 yatoje yatsinzemo 19 atsindwamo imikino 5 gusa.

Thomas Tuchel yabashije gusezerera ikipe ya Manchester City ku mukino i Porto muri Champions League

Byari ibyishimo kuri Tuchel nyuma yo guha igikombe ikipe ya Chelsea yaherukaga mu mwaka 2014

REBA HANO VIDEO TWAGUHITIYEMO YAGUSUSURUTSA

Bana natwe tugususurutse umenye

NGIRINSHUTI Christian




Leave a Reply

Your email address will not be published. Required fields are marked *