Ikipe y’umwaka ya FIFA yagaragaye ntirimo Mohammed Salah

Abatora abajya mu ikipe y’umwaka y’impuzamashyirahamwe y’umupira w’amaguru ku isi (FIFA), bamaze gutora ikipe y’umwaka [ababanza 11 n’abasimbura 8], ariko icyatangaje benshi ni uko hatagaragayemo Mohammed Salah wa Liverpool.

Nubwo ikipe ndakuka y’abakinnyi 19 izasohoka ku itariki 7 Mutarama 2019, ibinyamakuru mpuzamahanga bitandukanye nka BBC, daily mail, Goal n’ibindi byamaze kubona 19 batowe n’abanyamakuru b’imikino, abatoza, n’abakapiteni. Abagombaga gutorwamo 11 ni 55 baturutse mu makipe akomeye ku isi.

Inkuru ya BBC yerekana urutonde rw’abakinnyi 11 batorewe kujya mu ikipe y’isi.

MU IZAMU: David De Gea

David De Gea playing for Manchester United.

De Gea ukinira Manchester United na Esipanye, niwe watowe na benshi mu izamu ry’iyi kipe ku kigero cya 91 ku ijana. Mu mwaka ushize De Gea yahawe igihembo cy’umuzamu mwiza muri shampiyona y’Abongereza.

BA MYUGARIRO:

i buryo: Sergio Ramos

Sergio Ramos.

 Ramos usanzwe ari Kapiteni wa Real Madrid yaje kuri uyu mwanya nyuma yo gufasha ikipe ye gutwara ibikombe 3 byikurikiranya muri UEFA Champions League. Uyu kandi ntiyava mu mitwe y’Abafana ba Liverpool kuko yagonganye na Mohammed Salah ku mukino wa nyuma wa UEFA Champions League iherutse, maze umusitari wa Liverpool wari witezwe kugira icyo amarira ikipe yo mu Bwongereza agahita avunika.

i bumoso: Marcelo

Marcelo playing for Real Madrid.

Marcelo wa Real Madrid na Brazil, aje mu ikipe ya FIFA  inshuro 4 zikurikiranya.Uyu yafashije Real gutwara UEFA Champions League 3 zikurikiranya.

Myugariro wo hagati (Centre back): Virgil Van Dijk

Virgil Van dijk playing for Liverpool.

Uyu niwe myugariro uhenze mu mateka ya ruhago kugeza ubu, kuko yaguzwe miliyoni £75 ubwo yavaga muri Southampton ajya muri Liverpool.Yanafashije iyi kipe kugera ku mukino wa nyuma wa UEFA Champions League.

Myugariro wo hagati (Centre back): Raphael Varane

Raphael Varane.

Varane ni myugariro wahiriwe cyane n’umwaka wa 2018, kuko yatwaye UEFA Champions League muri Real Madrid n’igikombe cy’isi mu Ikipe y’igihugu y’Ubufaransa.

ABO HAGATI MU KIBUGA:

Kevin De Bruyne

Kevin De Bruyne

De Bruyne ukinira Manchester Ciry yafashize iyi kipe yo mu Bwongereza gutwara igikombe cya shampiyona, anafatanya na bagenzi be kugeza ikipe y’Ububirigi muri 1/2 cy’igikombe cy’isi.

Luka Modric

Luka Modric.

Uyu munya-Croatia yatwaye ibihembo bitandukanye birimo; icy’umukinnyi w’umwaka cya UEFA, icy’umukinnyi w’umwaka cya FIFA n’icy’umukinnyi mwiza uhiga abandi muri 2018 [FIFA Ballon d’Or]. Modric yanafashije ikipe y’igihugu cye kugera  ku mukino wa nyuma mu mikino y’igikombe cy’isi.

N’Golo Kanté

N'Golo Kante.Kanté usanzwe akinira Chelsea yatwaye  igikombe cy’isi hamwe n’ikipe y’igihugu y’Ubufaransa  ndetse aza no mu ikipe ya FIFA y’umwaka wa 2018.

BA RUTAHIZAMU:

Lionel Messi

Lionel Messi playing for Barcelona.

Messi yatsinze ibitego 51 mu mwaka ushize w’imikino anatanga imipira yavuyemo ibitego 26.Ikipe yae ya FC Barcelona yatwaye shampiona y’igihugu ya Esipanye. Gusa nubwo ntacyo yabashije gufasha ikipe y’igihugu cy’amavuko [Argentine].Yaje ku mwanya wa 5 muri FIFA Balon d’Or.

Cristiano Ronaldo

Cristiano Ronaldo playing for Juventus.Ronaldo yavuye muri Real Madrid yerekeza muri Juventus kuri miliyoni £ 99.Yagiye amaze gutwarana na Real igikombe cya UEFA Champions League anayitsindiye ibitego 44 muri uwo mwaka w’imikino.Kuva yagera muri Juventus aracyabitsinda kuko kugeza ubu afite ibitego 15.

Kylian Mbappe

Kylian Mbappe.Mbappe yaguzwe miliyoni £ 166 ava muri Monaco yerekeza muri Paris Saint Germain.Uyu musore w’imyaka 20 ni rutahizamu watwaranye igikombe cya Shampiyona na PSG anagira uruhare rukomeye mu gutwara igikombe cy’isi kw’ikipe y’ubufaransa akinira.




Leave a Reply

Your email address will not be published. Required fields are marked *