Equatorial Guinea :imyaka 40 irashize ubutegetsi buri mu maboko ya Perezida Teodoro Obiang Nguema

Ku itariki ya 03 z’ukwezi kwa munani mu 1979 nibwo Perezida Teodoro Obiang Nguema yafashe ubutegetsi muri Equatorial Guinea ahiritse nyirarume akanamucira urwo gupfa, imyaka 40 irashize.

Mbasogo

Imibare yo mu kwezi kwa mbere 2018 ya ‘CIA World Fact book’ ivuga ko 72% by’abatuye iki gihugu bari munsi y’imyaka 40. Abo bose bavutse basanga Bwana Nguema ari Perezida.Icyegeranyo cya African Institute for Development Policy kivuga ko abaturage 70% muri Afurika batarageza imyaka 40. Aba nabo bavutse basanga uyu mugabo ari Perezida.Bimwe mu bintu bishegesha cane vyo muri #10YearChallenge? Ibitahindutse mu kiringo c’imyaka 10

Tariki 03/08/1979 Obiang Nguema wari umusirikare w’umwofisiye yafashe ubutegetsi, mu 1982 yatowe mu matora kuri manda ya mbere y’imyaka irindwi ari umukandida rukumbi.

Mu 1989 yatorewe manda ya kabiri, mu 1996 atorerwa iya gatatu, mu 2002 atorerwa iya kane. Aha hose yagiraga amajwi ari hejuru ya 95%.

Mu matora ya 2002 hari agace ko muri iki gihugu aho batangaje ko yatowe ku majwi 103%, abatavuga rumwe nawe bavuze ko ari ikimenyetso cy’uburyo aya matora akoranwa uburiganya.

Mu 2009 nabwo yatsinze amatora n’amajwi 97%, aheruka gutorwa mu 2016 aho yatsinze ku majwi hafi 94%.

Inshuro zose bitabaga byemewe, itegeko nshinga ryagiye rivugururwa kugira ngo ritaba inzitizi.Perezida Obiang Nguema avugwaho kutihanganira amajwi anenga ubutegetsi bwe.

kuwa gatanu ishyaka rikomeye ritavuga rumwe n’ubutegetsi Citizens for Innovation (CI) ryasohoye itangazo rihamagarira amahanga kumuha akato.

Mu kwezi kwa kabiri umwaka ushize iri shyaka CI abategetsi muri iki gihugu barivanye mu yemewe n’amategeko, nyamara ryari riherutse gutsindira umwanya mu nteko.

Mu 2016 yatowe ku majwi 93,7%

Abarwanashyaka ba CI 21, barimo n’umwe rukumbi wari wabashije gutorerwa kujya mu nteko, bakatiwe gufungwa imyaka 30 bashinjwa ‘guhamagarira rubanda guteza imvururu no gusagarira abategetsi’.

Mu 2006, ikinyamakuru cyigenga Der Spiegel cyo mu Budage cyasubiyemo amagambo yavuzwe na Perezida Nguema agira ati: “Abatavugarumwe natwe bafite ubuhe burenganzira bwo kunenga ibikorwa bya guverinoma?”

Imiryango iharanira uburenganzira bwa muntu ivuga ko muri Equatorial Guinea nta tangazamakuru ryigenga rihari, ko ibinyamakuru byigenga bihari ari iby’abafite aho bahuriye n’ubutegetsi cyangwa na Perezida ubwe.

Ku cyegeranyo cya 2018 cy’umuryango w’abibumbye cyitwa ‘Human Development Index’ kigaragaza imibereho, uburezi n’ubukungu bw’abaturage, Equatorial Guinea ni iya 141 mu bihugu 189.

Perezida Teodoro Obiang Nguema Basogo mu myaka amaze ku butegetsi ba minisitiri b’intebe icyenda bamuciye imbere. Kuva mu 2016 umuhungu we Teodoro Nguema Obiang Mangue bita Teodorin niwe Visi Perezida.

Mu gihugu baturanye muri Cameroun, Perezida Paul Biya amaze imyaka 44 ku butegetsi

Eric Twahirwa




One thought on “Equatorial Guinea :imyaka 40 irashize ubutegetsi buri mu maboko ya Perezida Teodoro Obiang Nguema

Leave a Reply

Your email address will not be published. Required fields are marked *