Mu gihe Covid-19 ikomeje guca ibintu ku isi, ku wa 25 Kamena 2020, Minisitiri w’ Ubuzima muri Congo-Kinshasa yatangaje ko icyorezo EBOLA cyarangiye mu gace ku Burasirazuba bwa Congo-Kinshasa.
Dr.Eteni Longondo yatangaje ibi ubwo yari mu rugendo rw’ akazi mu Mujyi wa Goma ubwo yavugaga ko uturere tw’ ubuzima 29 nitwo twari twaribasiwe n’ icyorezo cya EBOLA.
Iyi niyo nshuro ya 10 iki cyorezo kigaragara mu gace ku Burasirazuba bwa Congo-Kinshas aho abantu 3 463 bagaragayeho ibimenyetso naho 3 317 barayisanganywe naho 2 277 bishwe n’ iki cyorezo.
Minisiteri y’ Ubuzima muri iki gihugu gihana imbibi n’ u Rwanda yahise yihutira gushishikariza abaturage gukomeza kwirinda icyorezo cya COVID-19, nk’ uko Radio Okapi dukesha iyi nkuru yabitangaje.
Albert Rugwiro/ Celebsmagazine.com
