Dore amakosa 5 umugabo ashobora gukora umugore we agahurwa imibonano mpuzabitsina

Hagati y’abashakanye, igikorwa cy’imibonano mpuzabitsina ni ingenzi kandi ni na ngombwa kuko urugo ni naho rufatira izingiro, rimwe na rimwe iki gikorwa gishobora kuzambywa n’umwe, bikaba ngombwa ko undi agihurwa.

Nk’umugabo ashobora gutuma umugore we ahurwa imibonano mpuzabitsina bitewe n’impamvu nyinshi zitandukanye bwiza.com igiye kukugezaho.

1.Kurangiza vuba: Umugabo urangiza vuba, ashobora gutuma umugore we ahurwa imibonano mpuzabitsina, kuko niba arangiza mu munota umwe kandi aribwo umugore atangiye kumva uburyohe, bigeraho akazajya yumva ko uje kumuteza ibibazo, akayihurwa burundu.

2.Kutamutegura: Hari abagabo bataha amajoro, akaza ahita arongora umugore, icyo gihe ashobora kumukomeretsa cyangwa se akamubabaza, nta rukundo abibonamo, umugore abifata nko kumufata ku ngufu kandi koko uba umuhohoteye, buhoro buhoro, agera ku rwego umukoraho aho kumva yishimye ahubwo akumva aribwa, agahurwa.

3.Kumucyurira: Hari abagabo batita ku magambo babwira abagore babo, akaba yamwita ‘Mukagatare’ bitewe n’uko wenda atazana amavangingo, cyangwa akaba agira ububobere buke, cyangwa akamugaya amugereranya n’abandi bagore baryamanye, icyo gihe umugore acika intege, akumva adakeneye umugabo, kuko aba yumva ko agiye kubabarizwa umutima.

4.Inzara: Kirazira, kandi ni ikosa, mugabo uzirinde kwihutira gutera akabariro umugore wawe ashonje, ese niba uzi ko utahashye ngo umugore arye ahage, yishime,…. urumva umushakaho iki, Urumva uzamurongora akishima? Mbere na mbere buriya kubanza gukemura utubazo tuba turi mu rugo biba byiza, kuko iyo umwe adatuje, igikorwa kigenda nabi.

5.Aho mutuye: Abagore buri gihe baba bashaka gukorera imibonano ahantu hatuje, ku buryo nta muntu wumva ibyo murimo cyangwa ngo ababone, ibi rero hari igihe umugabo atabiha agaciro, niba igikorwa kibaye, yasohoka agasanga abana barimo kubivuga cyangwa abandi bantu babigize ikiganiro, ibi bishobora kumuca intege, agahurwa burundu.

Aha kandi bijya gusa no kuba mwagera mu buriri akabona wigiriye kuri telefone, kuri facebook, watsapp,… igihe cyose akabona utamuha akanya, bimutera umutima mubi, akumva ahuzwe, rimwe na rimwe akaba yaguca inyuma.




Leave a Reply

Your email address will not be published. Required fields are marked *