Def Jam Recordings inzu ya muzika yazamuye Abaraperi Tupac, Ja Rule …ije gushora mu mpano zo muri Afurika

Abakunda Hip-hop na rap bazi ko Def Jam Recordings ari inzu itunganya muzika izwi kurusha izindi mu gukora injyana ya hip-hop.

Tupac Shakur Arrested in Tennessee, But It's a White Man

Iyi kompanyi niyo yatumye tumenya abanyamuzika nka Tupac, Ja Rule, DMX, Fabulous, LL Kool J, Kanye n’abandi benshi, n’ubu ikorana n’abazwi cyane nka Justin Bieber, Rihanna n’abandi.

Def Jam ije gushora mu mpano zo muri Afurika biciye muri Universal Music, ku ikubitiro irahera mu bahanzi icyenda – barindwi muri bo ni abo muri Afurika y’Epfo na Nigeria.

Nadia Nakai umuraperi wo muri Afurika y’Epfo ari muri abo, yabwiye BBC Focus on Africa icyo kuri we bisobanuye kuba mu bahanzi batangiriweho n’iyi nzu ya muzika ikomeye.

Ati: “Ni ibintu byiza cyane kuko nakuze ndeba videwo z’imiziki yakozwe na Def Jam. Wumvaga ari nk’ishyirahamwe rya hip-hop”.

Nadia avuga ko abantu bagomba kumenya ko “ibyiza bisanga abakora cyane”.

Abandi bahanzi bo muri Afurika y’Epfo Def Jam igiye gutangira gukorana nabo harimo Cassper Nyovest, Nasty C, Tshego na Boity ndetse na Larry Gaaga na Vector bo muri Nigeria.

Sipho Dlamini ukuriye Universal Music muri Afurika yo munsi ya Sahara avuga ko iyi kompanyi ije “gushora imari mu kuzamura impano kuri uyu mugabane”.

Ahakana ko ibi ari ishoramari rigamije kungukira ku kazi gakomeye kamaze igihe kinini gakorwa n’izindi nzu za muzika zo muri Afurika.

Shabani Chris

Bana natwe tugususurutse umenye




Leave a Reply

Your email address will not be published. Required fields are marked *