Congo:Umugore yakorewe iyica rubozo azira ifi

Umugore wo muri Repubulika Iharanira Demokarasi ya Congo yakorewe iyicwa rubozo nyuma yo kubanza gusambanyirizwa mu ruhame maze akaza kwicwa aciwe umutwe amaraso ye bakayanywa ntacyo bishisha.

Abakoze aya mahano ni bamwe mu bagize umutwe w’inyeshyamba urwanya Leta ya Congo ukorera mu gace ka Luebo, mu ntara ya Kassai ku izina rya Kamuina Nsapu bakaba barabikoze nk’igihano cyahabwaga uyu mugore kubera ko yari yafatanywe udufi duto muri resitora ye kandi kuducuruza bitemewe.

Amashusho yakwirakwijwe ku mbuga nkoranyambaga n’izi nyeshyamba zo mu gace ka Luebo ziyise Kamuina Nsapu, yagaragazaga umugore yambitswe ubusa imbere y’imbaga y’abantu bari kumukoreraho ubufindo.

Bamwe mu baturage bo muri aka gace baganiriye na France 24 bavuze ko uyu mugore ngo yazize ibiryo yagaburiye zimwe mu nyeshyamba zagiye kurira muri resitora ye, ubwo yabahaga ibishyimbo bagasangamo udusambaza duto cyane mu gihe tubujijwe muri ako gace.

Aba barwanyi bo mu mutwe wa Kamuina Nsapu basanze uyu mugore muri resitora ye maze bamujyana ku karubanda bategeka umuhungu ubyarwa n’umugabo we ko amusambanyiriza mu maso y’abari bateraniye aho, abyanze bahita bamuca umutwe barabyikorera.

Muri videwo yashyizwe ahagaragara Kalamba Kambangoma uyobora izi nyeshyamba yagaragaraga akurura imisatsi uyu mugore amujyana ahirengeye bari bateguriye gukorera aya mahano abantu bose babibona neza.

Aba bicanyi bamaze gusambanya uyu mugore maze nawe bahita bamuca umutwe bafata amaraso yabo batangira kuyanywa bishimye cyane.

Ababonye amahano yakozwe n’izi nyeshyamba ndetse n’abaturage bo mu gace byabereyemo babwiye France 24 ko bababajwe n’ibikorwa bya kinyamaswa byakozwze n’izi nyeshyamba ndetse bamwe bakaba bagaragaza ko bafite ubwoba bukabije nyuma yo kubona ubwicanyi bwakorewe abaturanyi babo.

Uyu mugore bamusambanyirije ku karubanda abantu bareba

JPEG - 27.5 kb

Abantu bo mu gace byabereyemo batewe ubwoba bukomeye n’ibikorwa bya kinyamaswa biri gukorwa n’izi nyeshyamba

JPEG - 29.9 kb

Babaciye imitwe barangije banywa amaraso yabo

JPEG - 26.6 kb

Repubulika Iharanira Demokarasi ya Congo yabaye indiri y’imitwe itandukanye y’iterabwoba




Leave a Reply

Your email address will not be published. Required fields are marked *