Congo:Nubwo hemejwe italiki y’amatora Kabila yasabwe kumanika amaboko mbere y’amatora

Akanama  gashinzwe gutegura amatora muri Repubulika iharanira Demokarasi ya Congo katangaje itariki y’amatora y’a Perezida wa Repubulika  ku wa 23 ukuboza mu 2018 abatavuga rumwe na leta bamusaba kumanika amaboko mbere y’amatora.

Ibi ariko ntibyanejeje abatavuga rumwe n’ubutegetsi bwa Leta  ya Kinshasa,batahwemye kugaragaza ko Perezida Joseph Kabila Agitsimbaraye ku butegetsi.

Byari biteganijwe ko amatora agomba kuba muri uyu mwaka, hakurikijwe amasezerano Leta ya Congo yagiranye n’abatavuga rumwe n’ubutegetsi , gusa hatanzwe impamvu ko komisiyo ishinzwe gutunganya amatora bitayorohera kuyategura muri uyu mwaka. Abatavuga rumwe n’ubutegetsi bahise basaba ko iyo tariki yakwigizwa imbere.

Bakomeza bashimangira ko byanze bikunze perezida Kabila agomba kuva ku butegetsi  mu mpera z’uyu mwaka.

Umuvugizi w’amashyaka atavuga rumwe n’ubutegetsi bwa Kinshasa Augustin Kabula yagize ati”Twe  twifuza ko ibyo twemeranije byakubahirizwa , maze Kabila akava ku butegetsi mu mpera z’uyu mwaka, tariki 31 Ukwezi kwa 12 mu 2017,”

Katumbi, umwe mu batavuga rumwe n’ubutegetsi bwa RD CongoUhagarariye imitwe ya Politiki itavuga rumwe na Leta Bwana Moise KATUMBI , abinyujije Kuri twitter yahakanye ko iyi tariki ntaho ihuriye n’ibyo bumvikanye na Leta ya Kabila, yagize ati”Ntitwemera iyi tariki habe namba , Kambila agomba kuva kubutegetsi mbere y’iariki ya 31Ukuboza muri uyu mwaka” Ildephonse Dusabimana BBC news.

Dusabimana Ildephonse-Celebzmagazine.com




Leave a Reply

Your email address will not be published. Required fields are marked *