ChampionsLeague: Umukino wa nyuma hagati ya Man City na Chelsea ushobora kwimurirwa ikibuga

UEFA isanzwe itegura imikino ya Champions League ishobora kwimura umukino wa nyuma uteganyijwe guhuza amakipe abiri yo mu Bwongereza Chelsea na Manchester City kuri Stade Wembley i Londres.

Amakipe abiri yo mu Bwongereza Manchester City na Chelsea niyo yabashije kugera ku mukino wa nyuma aho azabahatanira igikombe.

Bivugwa ko umukino uteganijwe kuri Ataturk muri Istanbul, UEFA izaganira na guverinoma y’Ubwongereza ku bijyanye no kwimura uyu mukino wa nyuma mu Bwongereza.

Urwego ruyobora umupira w’amaguru mu Burayi UEFA rwatangaje ko ruzaganira na guverinoma y’Ubwongereza ku bijyanye n’uko bishoboka kuzakina umukino wa nyuma wa Champions League i Londres.

Amakipe yo mu cyiciro cya mbere Chelsea na Manchester City yageze ku mukino wa nyuma wa Champions League mbere yuko byari byemejwe ko izabera Istanbul ku wa gatandatu, tariki ya 29 Gicurasi 2021.

Ariko, hamwe n’ibihano biteganijwe ko bizoroherezwa mu ngendo z’amahanga bitarenze ku wa mbere, 17 Gicurasi, UEFA iteganya kuzakina umukino wa nyuma muri Stade Wembley.

Biteganijwe ko ku wa kabiri, tariki ya 11 Gicurasi, hazafatwa umwanzuro, niba umukino uzabera Ataturk, Istanbul mu gihugu cya Turikiya cyangwa ukimurwa ukaguma mu gihugu cy’Ubwongereza kubera kwirinda ingaruka zuko abafana bakora ingendo zo hanze bishobora kongera ingaruka z’abandura COVID-19.

Hagati aho icyo wamenya, nuko abakinnyi bagize ikipe ya mbere ya Manchester City bashobora kubona miliyoni imwe yama pound buri wese nibaramuka batsinze Chelsea ku mukino wanyuma wa Champions League.

Manchester City yageze ku mukino wa nyuma isezereye ikipe ya Paris Saint Germain ku kinyuranyo cy’ibitego 4-1 mu mikino yombi. Mugihe ikipe ya Chelsea Fc yasereye ikipe ya Real Madrid ku bitego 3-1 mu mikino yombi.

REBA HANO VIDEO TWAGUHITIYEMO YAGUSUSURUTSA

Bana natwe tugususurutse umenye

NGIRINSHUTI Christian




Leave a Reply

Your email address will not be published. Required fields are marked *