Carlos Ancelotti yagizwe umutoza Mukuru wa Real Madrid

Ubuyobozi bwa Real Madrid bumaze gutangaza ko Carlo Ancelotti ariwe mutoza mukuru nyuma yigenda rya Zinedine Zidane.

Uyu mutoza asubiye mu ikipe yigeze gutoza ndetse akaza no kugiriramo ibihe byiza, ubuyobozi bwatangaje ko yahawe amasezerano y’imyaka itatu atoza iyi kipe y’ibwami Los Blancos.

Zinedine Zidane yasezeye mu ikipe ya Real Madrid mu cyumweru gishize, ni umwanzuro yafashe nyuma y’igitutu yashyizweho kubera nta musaruro yagize mwiza mu ikipe aho nta gikombe na kimwe yegukanye.

Umutaliyani Carlo Ancelotti w’imyaka 61 yongeye kugirwa umutoza mukuru wa Real Madrid, Ni mugihe azaba avuye muri Everton nyuma y’amezi 18 atoza iyi kipe ibarizwa muri Shampiyona y’Ubwongereza (Premier League).

Carlo Ancelotti asubiye mu ikipe ya Real Madrid nyuma y’ibihe byiza yagize mu mwaka 2013-2015, ubwo harimo nka bakinnyi barimo nka Cristiano, Gareth Bale n’abandi. Mu mwaka wa 2014 yabashije gutsinda imikino 89 mu 119, ndetse abasha kwegukana igikombe cya UEFA Champions League, Copa Del Rey, UEFA Super Cup na FIFA Club World Cup.

Biteganyijwe ko gushyira umukono ku masezerano bizaba ku munsi wejo hamwe na perezida w’ikipe Florentino Pérez mu mujyi wa Real Madrid, nyuma Ancelotti akazavugana n’itangazamakuru guhera saa kumi n’ebyiri z’umugoroba, ikiganiro kizaba hakoreshejwe ikoranabuhanga.

Carlos Ancelotti yagizwe umutoza Mukuru wa Real Madrid mu myaka itatu

REBA HANO VIDEO TWAGUHITIYEMO YAGUSUSURUTSA

Bana natwe tugususurutse umenye

NGIRINSHUTI Christian




Leave a Reply

Your email address will not be published. Required fields are marked *