Bwa mbere ibirwa bya Sychelles byapfushije umurwayi wa COVID-19

Mu birwa bya Sychelles biherereye mu Nyanja y’Ubuhinde biri mu gahinda nyuma yo gupfusha umuntu wa mbere wanduye COVID-19

Ni mugihe Isi yugarijwe n’icyorezo cya Coronavirus aho imibare ikomeje gutumbagira ari nako n’imibare y’abahitanwa n’iki cyorezo ikomeje kuba myinshi bikabije.

Muri ibi birwa byatangajwe bwa mbere n’inzego z’ubuzima ko umugabo w’imyaka 57 ariwe uhitanywe n’icyorezo cya COVID-19.

Ubundi igihugu cya Seychelles kiri mu bihugu ku Isi bidafite abarwayi benshi banduye COVID-19 kuko guhera mu kwezi kwa gatatu iki cyorezo cyagera muri ibi birwa hamaze kuboneka abarwayi 322 harimo 223 bayikize.

Impamvu yuko iki kirwa kitugarijwe bivugwa ko imiterere yaho gituye hagati mu Nyanja y’Abahinde bigoranye kuko nabagiyeyo bisaba gukoresha indege kandi ukoze urwo rugendo bisaba kuba yabanje gupimwa.

Muri iki kirwa ubuyobozi buherutse gufunga ibyerekeye insengero, utubari, aho bakorera imyitozo ngororamubiri n’amashuri mu buryo bwo kwirinda ikwirakwizwa rya COVID-19

Mu gahinda kenshi perezida w’iki gihugu Wavel Ramkalawan yatangaje ko abaturage bakwiriye kwitonda kuko icyorezo gikomeje gufata indi ntera ndetse bakaba babajwe n’urupfu rw’umuntu wa mbere uhitanywe n’icyorezo.

Ati:’’ Baturage bacu ibintu biri gufata indi ntera mu kwiriye gufata ibintu ko bikomeye nta kwirara.’’

Perezida w’ikirwa cya Sychelles yatangaje ko babajwe n’umuntu wa mbere wishwe COVID-19

NGIRINSHUTI Christian




Leave a Reply

Your email address will not be published. Required fields are marked *