BREAKING NEWS: Everton yirukanye umutoza wayo Ronald Koeman

Everton yamaze kwirukana umutoza wayitozaga Ronald Koeman nyuma yo gutsindirwa mu rugo na Arsenal ibitego 5-2 ku munsi wa cyenda wa shampiyona.

Ronald Koeman yagizwe umutoza wa Everton mbere y’umwaka w’imikino wa 2016-17

 Itangazo ry’ikipe rivuga ko “yifuza gushimira Ronald ku bikorwa byiza yakoreye ikipe mu mezi 16 ashize”.

Everton iri ku mwanya wa 18 muri Premier League, ikaba imaze gutsinda imikino ibiri mu mikino icyenda ya shampiyona y’uyu mwaka.

“Ndacyizeye ko nshobora guhindura ibihe,” Koeman aganira n’itangazamakuru kuri iki cyumweru nyuma yo gutsindwa.

Koeman abaye umutoza wa gatatu wirukanwe muri uyu mwaka w’imikino 2017-2018 nyuma ya Frank de Boer wirukanwe muri Crystal Palace na Craig Shakespeare wirukanwe muri Leicester city.

Uyu mugabo w’imyaka 54 ukomoka mu buholandi, yagejeje Everton ku mwanya wa karindwi mu mwaka ushize w’imikino. Mbere yuko uyu mwaka w’imikino utangira yakoresheje miliyoni 140 z’amapawundi agura abakinnyi.

 Mu bakinnyi Koeman  yaguze harimo Wayne Rooney

Everton yari imaze iminsi itsinzwe na Burnley, inganya na Brighton ,itsindwa na Lyon ndetse na Arsenal.

Amahirwe ya Everton yo gukomeza muri Europa League mu itsinda barimo rya gatanu ni make cyane hafi ya ntayo, ni mugihe ari iya nyuma mu itsinda ribarizwamo  Atalanta yabatsinze  ,Lyon nayo yabatsinze na Apollon Limassol banganyije.

Ku cyumweru Koeman yanditse kuri Twitter ye avuga ko kubona umusasuro bakina na Arsenal bitashobokaga  nyuma yo gusigara ari abakinnyi icumi bamaze gutsindwa ibitego 2-1( ikarita y’umutuku yeretswe Idrissa Gana Gueye ukomoka muri senegal).

Ronald Koeman nyuma yo gutsindwa na Arsene Wenger inzozi ze zarangiye muri Everton

Koeman yirukanwe mu gihe yabyukiye ku kibuga cy’imyitozo cy’iyi kipe mu gihe bitegura umukino wa Carabao Cup bazakina na Chelsea kuri uyu wa gatatu.  Nyuma yaho nibwo abayobozi b’ikipe ya Everton harimo umuyobozi mukuru wayo Bill Kenwright  na Robert Elstone  batangaje ko Ronald Koeman yirukanwe muri iyi kipe.

UKO  ABATOZA  BA  EVERTON  BITWAYE  KUVA  MU  1990
ABATOZA IMIKINO AMANOTA KURI BURI MUKINO IJANISHA RY’INSINZI%
Howard Kendall (1990-93) 60 1.28 37%
Mike Walker (1994) 31 0.87 19%
Joe Royle (1994-97) 97 1.43 37%
Howard Kendall (1997-98) 38 1.05 24%
Walter Smith (1998-2002) 140 1.16 29%
David Moyes (2002-13) 427 1.5 41%
Roberto Martinez (2013-16) 113 1.44 38%
Ronald Koeman (2016-17) 47 1.47 40%

 

DUSHIMIMANA Aimable-Celebzmagazine.com




Leave a Reply

Your email address will not be published. Required fields are marked *