Biranugwanugwa ko Zidane ashobora gusimbura Sarri muri Chelsea

Byatangiye kuvugwa ko Zinedine Zidane ashobora guhabwa inshingano zo gutoza ikipe ya Chelsea agasimbura Mauricio Sarri uherutse gukorerwaho amateka yo kwandagazwa na Manchester City ku bitego 6-0.

Image result for zinedine zidane

Chelsea ishobora kwirukana Sarri ikamusimbuza Zidane.

Uyu mufaransa  watoje ikipe ya Real Madrid yo mu gihugu cya Esipanye, akayihesha ibikombe 3 bya Champions Leagues, amaze iminsi nta kipe afite nyuma yo kuva i Madrid.

Amakuru aturuka mu bitangazamakuru mpuzamahanga, avuga ko abari hafi ya Zidane bemeza ko ari mu biganiro n’ikipe ya Chelsea ku buryo bigenze neza yayerekezamo vuba.

Uyu munyabigwi watwaranye igikombe cy’isi  n’ikipe y’Ubufaransa mu 1998, anifuzwa na Manchester United mu gusimbura Ole Gunnar Solskjaer waragijwe ikipe nyuma yo kwirukana Jose Mourinho mu Ukuboza k’umwaka ushize.

Nk’umutoza wa Real Madrid, Ziane yatoje imikino 149; atsinda 104, anganya 29, atsindwa 16.Bivuze ko intsinze muri rusange iri ku kigero cya 69.79%.

Mu bikombe yahesheje Real Madrid harimo:UEFA Champions League 3, UEFA super Cup 2, La Liga 1, FIFA Club World Cup 2 na Spanish Super Cup 1.

Image result for Maurizio SARRI

Mauricio Sarri, utoza Chelsea ari mu mazi abiri nyuma yo kwandagazwa na Man City 6-0.




Leave a Reply

Your email address will not be published. Required fields are marked *